Ədəbiyyat üzrə Nobel mükafatı laureatı məlum olub.

Kulis.az “Nobelprize.org”a istinadən xəbər verir ki, Laszlo Krasznahorkai sözügedən sahə üzrə 2025-ci ilin laureatı elan edilib.

O bu mükafata niyə layiq görülüb?

Bu mükafat ona apokaliptik qorxu fonunda incəsənətin gücünü təsdiqləyən, təsirli və vizioner yaradıcılığına görə verilib.

Laszlo Krasznahorkai kimdir?

Müasir macar yazıçısı və ssenaristi, dünya ədəbiyyatında postmodern üslubun ən mühüm nümayəndələrindən biri Laszlo Krasznahorkai 1954-cü ildə Macarıstanda dünyaya gəlib. Əvvəl hüquq ixtisası üzrə oxuyub, daha sonra Budapeştedə macar dili və ədəbiyyatı üzrə təhsil alıb. 2015-ci ildə "Buker" mükafatına layiq görülüb, dəfələlərlə Nobel mükafatına namizəd göstərilib.

2024-cü ildə Ədəbiyyat üzrə Nobel mükafatına kim layiq görülmüşdü?

Qeyd edək ki, ötən il ədəbiyyat üzrə Nobel mükafatına 54 yaşlı cənubi koreyalı yazıçı Han Kang layiq görülüb.

Ədəbiyyat üzrə ilk Nobel kimə təqdim edilib?

Ədəbiyyat üzrə ilk “Nobel” mükafatı 1901-ci ildə Sülli Prüdoma təqdim edilib.


Nobelin tarixçəsi barədə

Xatırladaq ki, ədəbiyyat üzrə “Nobel” mükafatı İsveç Kral Elmlər Akademiyası tərəfindən ədəbiyyat sahəsində əhəmiyyətli töhfələr verən müəlliflərə təqdim olunan illik mükafatdır. Bu mükafat Alfred Nobelin 1895-ci ildəki vəsiyəti əsasında təsis edilmiş beş “Nobel” mükafatından biridir. Mükafat Nobel Fondu tərəfindən idarə olunur və İsveç Akademiyası tərəfindən seçilmiş beş üzvdən ibarət komitə tərəfindən verilir. Hər laureat bir medal, bir diplom və illər ərzində dəyişən miqdarda pul mükafatı alır.

• Holokost memorialına hücum edənlərin məhkəməsi başlayıb
• "Yazıçı özünün instituta çevrilməsinə yol verməməlidir..." - Sartr Nobel mükafatından niyə imtina edib?
• Azərbaycanlı müəlliflərin əsərləri Vyanadakı tərcümə müsabiqəsində qalib oldu