Qazpulunu ödəyə bilməyən Əlisa Nicat

Əlisa Nicat

Əlisa Nicat

30 noyabr 2022
# 22:07

Kulis.az Ulucay Akifin yazısını təqdim edir.

Bu, nə köşədir, nə essedir, nə də məqalə.

Bu, mənim elə indicə əsəblə, qəzəblə, təngnəfəs yazdığım bir etirazdır.

87 yaşlı yazıçımız Əlisa Nicatın maddi durumu çox pisdir. Şahbaz Xuduoğlunun paylaşımında gördüm.

Əlisa Nicat özü deyir ki, çox pul yazmasın deyə evdə qazı 2-3 saat işlədir. Üst-başı da nə vəziyyətdə.

Şəkillərinə baxdım. Siz də baxın. Mən onu tanıyandan elə bu nimdaş paltarları geyinir.

Bu adam ölkənin ən dəyərli yazıçılarından biridir, filosofdur, tərcüməçidir, düşüncə adamıdır, mütəfəkkirdir. 100-dən çox kitabın müəllifidir.

100-dən çox kitab müəllifinin vəziyyətinə baxın. Adam öz dili ilə deyir ki, evdə qazı 2-3 saat işlədir ki, çox pul yazmasın, çünki sonra qazpulunu ödəyə bilmir.

Adam deməyə söz tapmır.

Amma yox. Mənim deməyə 2-3 kəlmə sözüm var. Niyə bu yazıçıya kömək etmirlər? Nə böyük məsələdir aylıq 400-500 manat yardım məqsədli qonorar ayırmaq? Lap olsun 300 manat.

Mədəniyyət Nazirliyi hara baxır?

Milyonlar yeyən nazirlər, müavinlər, şöbə müdirləri var. Görmürük? Dövlət özü göstərir də. Xırda məmurlar da milyonlar yeyir.

Niyə?

Üzvü olduğum Azərbaycan Yazıçılar Birliyi niyə kömək eləmir? Aylıq 200-300 manat qonorar nədir ki, Əlisa Nicata ayrılmır? Axı Əlisa Nicata verməyə təqaüd tapıla bilər. Bunun üçün böyük tədbirlərə-filan ehtiyac yoxdu…

Və mənə görə, yazıçıya bu cür münasibətin göstərilməsi elə birbaşa sıravi insanların, xalqın yazıçıya olan münasibətindən qaynaqlanır.

Görün heç hansısa yazıçının bu cür problemi Azərbaycan xalqını narahat edər? İndiyə kimi belə şey olub? Heç vaxt!

Azərbaycanlılar heç yazıçılarını tanımırlar. Azərbaycanlılar yazıçıların, şairlərin boş, mənasız, faydasız adamlar olduğunu düşünürlər. Və elə bilirlər ki, yazıçı elə "bu gündə" yaşamalıdır, acından ölməlidir.

Azərbaycanlılar orasına-burasına silikon dolduran "manıs"lara 10 min verib toyda oxudarlar, o manıslara maşın, lap ev də hədiyyə edərlər, amma yazıçı heç veclərinə olmaz.

Bu dəqiqə hansısa bir manısın səhhətində, ya maddi durumunda problem yaransa, bütün xalq ona dəstək olar, yüzlərlə iş adamı, həcilər, şirkətlər pul göndərərlər, amma yazıçı ölsün.

Kimdi e axı yazıçı? Arxası silikonlu manıslar qala-qala yazıçılar azərbaycanlıların nəyinə lazımdı?

# 9248 dəfə oxunub

Oxşar xəbərlər

Bu “silikonlu Harvard məzunu”nu niyə TV-lərə buraxırlar?!

Bu “silikonlu Harvard məzunu”nu niyə TV-lərə buraxırlar?!

11:15 1 aprel 2025
Adam öz ölkəsinin millisinin uduzmasına gülməməlidir

Adam öz ölkəsinin millisinin uduzmasına gülməməlidir

13:26 26 mart 2025
İndiki şeirimizdə uğultu var

İndiki şeirimizdə uğultu var

12:40 22 mart 2025
Azərbaycanlılar heç vaxt müsəlman olmayıb

Azərbaycanlılar heç vaxt müsəlman olmayıb

10:00 21 mart 2025
Qələbəmizi urvatdan salan qazilər

Qələbəmizi urvatdan salan qazilər

15:00 11 mart 2025
Qənirə Paşayevanın övladları var, qoy hamı bilsin

Qənirə Paşayevanın övladları var, qoy hamı bilsin

15:49 7 mart 2025
# # #