Ülgüc dəyməyən üzünü, torpağa qoyan oğullar... – Günün şeiri

Ülgüc dəyməyən üzünü, torpağa qoyan oğullar... – Günün şeiri
15 sentyabr 2022
# 17:40

Kulis.az İlham Qəhrəmanın “Şəhidlər” şeirini təqdim edir.

Harda adları tutulsa;
Ruhları əyan oğullar.
Başdaşları keşikçitək,
Vətənə həyan oğullar.

Qəbirlər sətir düzümü,
Duaya əydim dizimi.
Ülgüc dəyməyən üzünü
Torpağa qoyan oğullar.

Qeyrətin şəkli mərmərmi,
Üstündə gülləri tərmi?!
Top yerinə güllə, mərmi,
Topnan oynayan oğullar.

Bir yol gedir bu arayla,
Yol qırağı gül sırayla.
Qəbirdən dərin yarayla,
Səssiz uyuyan oğullar.

# 1205 dəfə oxunub

Oxşar xəbərlər

# # #