Klassik üslubda yeni tamaşa: "Bir dəfə Şamaxı xanlığında"

Klassik üslubda yeni tamaşa:  "Bir dəfə Şamaxı xanlığında"
2 mart 2025
# 11:46

Azərbaycan Dövlət Kukla Teatrında “Bir dəfə Şamaxı xanlığında” tamaşasının premyerası oldu.

Kulis.az xəbər verir ki, teatrın rus bölməsi üçün hazırlanan birhissəli kukla tamaşasının müəllifi Əliheydər Məmmədov, səhnələşdirəni və quruluşçu rejissoru teatrın baş rejissoru Anar Məmmədov, quruluşçu rəssamı Səkinə Bağırovadır.

İbrətamiz hekayətin nəql olunduğu tamaşada qəhrəmanımız bənna Bilaldır. Zəhmətkeş gənc sən demə özü də bilmədən illər əvvəl Cadugər tərəfindən edilmiş tilsimi qırır.

Belə ki, Xanın ədalətli Vəzirinə qəzəblənən Cadugər intiqamını onun qızından almaq qərarına gəlir. Beləcə qızı bilərzik ilə tilsimləyir və onu şah sarayından çox uzaq bir yerdə - ucqar kənddəki kasıb komalardan birindəki güldana atır.

Sözsüz ki, ağlagəlməz hiylənin üstü açılmır və Vəzirin günahsız qızı illərlə bu tilsimin əziyyətini çəkir.

Yaşlı Qonşu sayəsində bu əhvalatı eşidən Bilal özü də bilmədən xilaskara çevrilir və əlindən çıxıb güldana dəyən çəkic sayəsində bu tilsimin pozulmasına nail olur.

Klassik nağıl üslubunda hazırlanan tamaşa maraqlı tərtibat və musiqi həlli ilə də seçilir.

Tamaşada rolları Rauf Babayev, Afət Zülfüqarova, Araz Həsənli, Yelena Qədimova, Firuzə Nəsibli və Lina Məmmədova ifa edirlər.
Əsasən kiçik ölçülü kuklalarla hazırlanan səhnə işində təbiətə sevgi, ətraf mühitin qorunması, heyvanlarla insanların dostluğu kimi humanist vərdişlər də təbliğ olunur.

Xatırladaq ki, tamaşa teatrın yerli müəlliflərlə yaradıcı əməkdaşlığının davamı kimi hazırlanıb və bu əsər müəllifin ölkə teatrları arasında ilk yaradıcılıq aktıdır.

# 2307 dəfə oxunub

Oxşar xəbərlər

“Jorj Danden, yaxud Aldanmış ər” tamaşasının premyerası olacaq

“Jorj Danden, yaxud Aldanmış ər” tamaşasının premyerası olacaq

15:10 9 sentyabr 2025
UNESCO-nun Qeyri-maddi Mədəni İrs siyahısındakı ənənəvi teatrlar

UNESCO-nun Qeyri-maddi Mədəni İrs siyahısındakı ənənəvi teatrlar

12:00 6 sentyabr 2025
Kuklaçılar festivala  gedir

Kuklaçılar festivala gedir

16:26 4 sentyabr 2025
Gənc Tamaşaçılar Teatrında  yeni mövsümünün başlanması münasibətilə görüş keçirildi

Gənc Tamaşaçılar Teatrında yeni mövsümünün başlanması münasibətilə görüş keçirildi

11:00 3 sentyabr 2025
Kventin Tarantinodan ilk teatr tamaşası

Kventin Tarantinodan ilk teatr tamaşası

10:30 21 avqust 2025
“Romeo və Cülyetta” əsəri qeyri-adi quruluşda...

“Romeo və Cülyetta” əsəri qeyri-adi quruluşda...

10:30 4 avqust 2025
Ana səhifə Yazarlar Bütün xəbərlər