II Dünya Müharibəsində 6 milyon yəhudini öldürən Adolf Hitler sadəcə bir yəhudini bağışlamışdı. O, I Dünya Müharibəsi illərində Hitlerin ordusunda komandirlik edən Ernst Hess idi.

Almaniyanın yerli bir qəzetlərindən biri Gestapo sənədləri içində Reyxsfürer Henrik Himler tərəfindən qələmə alınmış bir sənəd aşkara çıxarır. Gestapoya göndərilən 27 avqust 1940-cı il tarixli sənəddə Himler yəhudi Hessin sərbəst buraxılmasını tələb edirdi.

Hessin 86 yaşlı nəvəsi Ursula Hess də bu hadisəni təsdiqləyib. Onun nəvəsinin deməyinə görə Hitler I Dünya müharibəsi illərində Qərb cəbhəsindəki Flanders bölgəsində komandirlik edən Hessi çox sevirmiş və 1914-1916-cı illərdə iki dəfə yaralanan Ernst Moritz Hess müharibədən sonra ordudan ayrılır.

Müharibədən sonra Hitlerlə Hess iki dəfə 1920 və 1930-cı illərdə görüşürlər. Hess protestant olsa da ana tərəfdən yəhudi idi. Sırf bu səbəbdən nasistlər onu “əsl yəhudi” adlandırmış və hakim vəzifəsindən getməyə məcbur etmişdilər.

1936-cı ildə Hitlerə ərizə göndərərək xilas edilməsi üçün xahiş edən Hess yəhudi olaraq damğalanmasının onun üçün ölümdən betər olduğunu demişdi.

Bu ərizədən sonra Hitler onun qaz kameralarına göndərilməsinə mane olur. Hess bu tarixdən azadlığa çıxdığı vaxta qədər Auşvits həbs düşərgəsində işçi kimi saxlanılır.

Ancaq bu güzəşt Hessin bacısına aid edilməmiş və o qaz kamerasında öldürülmüşdü. 14 sentyabr 1983-cü ildə vəfat edən Ernst Hess həyatının sonuna kimi Almaniyada yaşayıb.

• Əlvida, xoşbəxtlik - Aliyə Kərimzadə
• Şəhid anasının etdiyi hərəkətə nə ad vermək olar?
• Məşhur aktyor vəfat etdi