Şübhəli qızlardan adres almağım - Günün şeiri...

Səməd Vurğun

Səməd Vurğun

27 may 2022
# 15:40

Bu gün görkəmli şair Səməd Vurğunun anım günüdür. Kulis.az bu münasibətlə şairin “Sevgi” şeirini təqdim edir.

Yenə də ruhumu gəzdi bir duyğu...
Götür albomunu, mən deyim, sən yaz!
Bizim dünyamızda günah deyil bu –
Səninlə üz-üzə danışsaq bir az.
Götür albomunu, mən deyim, sən yaz!

Gecələr yalnızam mən yatağımda,
Bilirəm yalnızsan hələlik sən də.
Xəyalım dağılır yellər əsəndə,
Dalıb düşünürkən öz otağımda,
Gecələr yalnızam mən yatağımda.

Söylə, təbiətə uyğunmu, səncə
Keçdiyim yollarda qalmasın bir iz?..
Özünü anlayıb, duyan bir gəncə
Gülüncdür bu başısoyuqluq şəksiz;
Keçdiyim yollarda qalmasın bir iz?..

Bax, məni incidir, ağrıdır bəzən
Hər axşam bir evdə qonaq qalmağım:
Rəngində ölümün kölgəsi gəzən
Şübhəli qızlardan adres almağım;
Hər axşam bir evdə qonaq qalmağım...

Bağışla, sevgilim, açıq söylədim!
Gizli nöqtələrə əl aparma sən.
Sonra o qızları, sorma neylədim.
Həyatın iç üzü örtünür bəzən.
Gizli nöqtələrə əl aparma sən...

# 2119 dəfə oxunub

Oxşar xəbərlər

Bir qadın da sevmədik... – Günün şeiri

Bir qadın da sevmədik... – Günün şeiri

11:00 7 iyun 2024
Çəkərəm ciyərlərimə öpüşlərini... - Emin Pirinin yeni şeiri

Çəkərəm ciyərlərimə öpüşlərini... - Emin Pirinin yeni şeiri

12:48 11 yanvar 2023
Bilirsən də, mən darıxan adamam - Günün şeiri

Bilirsən də, mən darıxan adamam - Günün şeiri

18:39 2 yanvar 2023
Cibim pullarımın qəbrinə dönər - Günün şeiri

Cibim pullarımın qəbrinə dönər - Günün şeiri

11:20 28 dekabr 2022
Niyə getdin? Niyə döndün? Niyə baxdın? - Günün şeiri

Niyə getdin? Niyə döndün? Niyə baxdın? - Günün şeiri

12:40 5 dekabr 2022
Səni and verirəm, uşaq doğa bilməyən qadınların... - Səbuhi İmanovun yeni şeirləri

Səni and verirəm, uşaq doğa bilməyən qadınların... - Səbuhi İmanovun yeni şeirləri

17:00 14 noyabr 2022
# # #