Çəkərəm ciyərlərimə öpüşlərini... - Emin Pirinin yeni şeiri

Emin Piri, şair

Emin Piri, şair

11 yanvar 2023
# 12:48

Kulis.az Emin Pirinin yeni şeirini təqdim edir.

O...yol...yağış...külək...

Xoşbəxtliyə bircə hərf çatmır:"O".
R. Əhməd

Buludlar dən səpər yerə,
yollar göyərçin kimi
dənlər yağışı.
"Bayatı-şiraz" kimi evlər
dinlər yağışı.

Dodağı çatlamış asfalt küçələr
yağışı partdaq dodaqlarına çəkdiyi kimi
çəkərəm ciyərlərimə
mənə nəfəs verən öpüşlərini.

Bir yağış damlası olaram
qoparam buludların bətnindən saçlarına...
çırparsan tellərini
düşərəm ovuclarına.
Qaldır əllərini dodaqlarına:
nəfəs ver, isit məni...

Bir külək olaram.
Sonra...
Sonra dəcəl uşaqlar kimi
Qapını döyüb qaçaram.
Açarsanmı qapını?
Açarsanmı ürəyini?

Boya kimi çəkər
dodaqlarına
bir dünyalıq çəhrayı təbəssümü.

Çırpar,
çırpar buludlar yerin başına.
Zərbədən yıxılan yollar,
sərilər ayaqların altına.

Ürəyim yeriyər çəkmələrinlə
dənlər yerişinin addım səsini.
İndi pozacaq iş sükutunu
gecələr addımlayacaq "əsmər yuxum"da.

O yağış mənəm,
O külək mənəm,
O yol mənəm.
O mənəm.
O...
O..
O.

# 680 dəfə oxunub

Oxşar xəbərlər

Sevgi vardır ki... - Günün şeiri

Sevgi vardır ki... - Günün şeiri

10:40 6 yanvar 2023
Bilirsən də, mən darıxan adamam - Günün şeiri

Bilirsən də, mən darıxan adamam - Günün şeiri

18:39 2 yanvar 2023
Cibim pullarımın qəbrinə dönər - Günün şeiri

Cibim pullarımın qəbrinə dönər - Günün şeiri

11:20 28 dekabr 2022
Niyə getdin? Niyə döndün? Niyə baxdın? - Günün şeiri

Niyə getdin? Niyə döndün? Niyə baxdın? - Günün şeiri

12:40 5 dekabr 2022
Səni and verirəm, uşaq doğa bilməyən qadınların... - Səbuhi İmanovun yeni şeirləri

Səni and verirəm, uşaq doğa bilməyən qadınların... - Səbuhi İmanovun yeni şeirləri

17:00 14 noyabr 2022
Səndə kitabım var, üstündə şəklim - Günün şeiri

Səndə kitabım var, üstündə şəklim - Günün şeiri

10:40 1 noyabr 2022
# # #