Akademik Milli Dram Teatrının aktyoru, əməkdar artist Azər Mirzəyev üç aya yaxındır ki, ev şəraitində müalicə olunur.
Bu barədə APA-ya məlumat verən aktyor bildirib ki, onun müalicəsi hələ də davam edir və bu müddət ərzində o yalnız evdə gəzməyə çalışır: “Evdə yavaş-yavaş gəzirəm. Özümdə irəliləyiş hiss edirəm, həkimlər əllərindən gələni ediblər. Dedilər ki, artıq bundan sonra hər şey özümdən asılıdır. Yalnız evdə gəzirəm, çölə tək çıxmağa ehtiyat edirəm. Teatr üçün ürəyim çırpınır, səhnəyə nə zaman çıxa biləcəyəm, bunu bilmirəm. Çalışıram çox da xatırlamayım, yoxsa teatrsız qala bilmirəm. Mənə çox çətindir”.
A. Mirzəyev əlavə edib ki, o, tam sağalması üçün var qüvvəsi ilə çalışır. Lakin uzun illərdir çalışdığı Akademik Milli Dram Teatrına nə zaman gedə biləcəyini hələ özü də bilmir.
Qeyd edək ki, Azər Mirzəyev sentyabrın əvvəllərində Mərkəzi Neftçilər Xəstəxanasında ürək çatışmazlığı müalicə olunub. Əvvəl onun ürəyində cərrahiyyə əməliyyatı nəzərdə tutulsa da, sonradan həkimlər bu əməliyyatdan imtina ediblər. Həmin dövrdən bəri Azər Mirzəyev sərbəst şəkildə hərəkət edə bilmir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər