Sentyabrın 28-də Sankt-Peterburq Dövlət Akademik Mariya Teatrının Primorsk səhnəsində Adolf Adanın ikihissəli “Korsar” baleti nümayiş etdiriləcək.

Səhnə əsərinin quruluşçu xoreoqrafı və işıq üzrə rəssamı azərbaycanlı balet ustası Eldar Əliyevdir. Tamaşada Marius Petipanın (1818-1910) xoreoqrafik səhnələrindən istifadə edilib. Balet, həmçinin Eldar Əliyevin librettosu əsasında hazırlanıb.

“Korsar” baletinin dünya premyerası 1856-cı ildə Parisdə olub. Balet Primorsk səhnəsində ilk dəfə 2015-ci il aprelin 25-də nümayiş olunub. 2016-cı il mayın 12-də isə “Korsar” baleti Primorsk səhnəsində bərpa edilib.

Bakıda dünyaya göz açan E.Əliyev Bakı Xoreoqrafiya Məktəbini bitirib, 1979-1992-ci illərdə Mariya Teatrının aparıcı solisti olub. Sonralar ABŞ-ın “Ballet Internationale” truppasına rəhbərlik edib. Praqa, Seul, Nyu-York və Pekində keçirilən beynəlxalq balet müsabiqələrinin münsiflər heyətinə daxildir. E.Əliyev 2016-cı ildə Rusiya Dövlət Akademik Mariya Teatrının Primorsk səhnəsinin baş baletmeysteri təyin edilib. O, həmçinin Çin Xalq Respublikası Şenyan Dövlət Konservatoriyasının fəxri professorudur.

• Fərizənin qardaşı: "Hamilə idi, özünü öldürmək üçün plan qururdu..." - Müsahibə
• Stalinlə məzələnən, divar saatından başqa heç nəyi olmayan dahi - O niyə özünə qəsd etmişdi?
• "Oskar" namizədlərinin açıqlanma tarixi dəyişdirildi