Yazıçı Ernest Heminqueyin 6 sözlük qısa hekayəsini oxumayan tapılmaz: “Uşaq ayaqqabısı satılır; heç vaxt geyinilməyib”. Həmin vaxtdan yazıçılar da, oxucular da 6 sözlük təsirli və maraqlı qısa hekayə yazmağa can atırlar.

Kulis.az Twitter sosial şəbəkəsi istifadəçilərinin yaratdıqları @sixwordstories adlı hesabda yayımlanan qısa hekayələrdən ən uğurlularını təqdim edir. Tərcümə zamanı bəzi hekayələrdə söz sayı orijinaldan fərqlənə bilər.

Yad. Dost. Yaxın dost. Sevgili. Yad.

“Səhv düşmüsünüz”, - dedi tanış səs.

Sərnişinlər, sizinlə danışan kapitan deyil.

Paraşüt satıram: heç vaxt açılmayıb, bir azca ləkəlidir.

Bizim qızıl toyumuzdur. Stol bir dənədir.

Bu gün yenə anama özümü təqdim etdim.

Bu gün evə qızılgül aldım. Qapının açarı dəyişmişdi.

Üz qırxmağı mənə anam öyrədib.

Avtomobilin qırılmış şüşəsində “Yeni evlənmişlər” yazılmışdı.

Bizim yataq otağı. İki səs. Mən qapını döyürəm.

Tullandım. Sonra fikrimi dəyişdim.

O, arvadının qatilinə butulkada süd verirdi.

Özümü böyük kimi təsəvvür edirdim. Böyüdüm. Təsəvvürüm itdi.

Cərrah xəstənin həyatını qurtarır. Xəstə Allaha təşəkkür edir.

Bu da peşəkar yazıçıların yazdıqları qısa hekayələr:

Onu arzulayırdım. Arzuma çatdım. Zibil. (Marqaret Etvud)

Kompüter, bizim batareyalar yadımızdan çıxmayıb? Kompüter? (Eylin Qunn)

Mən sənin gələcək övladınam. Ağlama. (Stiven Bakster)

Mən hər şeyi gördün, əzizim, amma yalan danış. (Orson Skott Kard)

İmtahandan kəsildim. İnstitutdan qovdular. Raket ixtira etdim. (Uilyam Şetner)

Mən darıxmışam sənin üçün. Öpüşək? (Nil Geyman)

İtirilmiş gün. İtirilmiş həyat. Desert, zəhmət olmasa. (Stiven Meretski)

• Reallıqdan qopanlar, yetkinləşməyi rədd edənlər, qocalmaqdan qorxanlar... - Ədəbiyyatdan ilhamlanan 7 psixoloji sindrom
• Şuşa Qlobal Media Forumunda süni intellektin media sahəsinə təsiri müzakirə olundu
• "İztirab çəkməmiş ruh səadətdən nə anlaya bilər?" - Jorj Sanddan aforizmlər