Avropa Təhsil Fondu, Azərbaycan Respublikası Təhsil Nazirliyi, Azərbaycan Respublikası Əmək və Əhalinin Sosial Müdafiəsi Nazirliyi və "Savadlı Cəmiyyət" Müasir Təhsilə Dəstək İctimai Birliyinin təşkilatçılığı ilə "Avropa Təhsil Fondunun Şərqi Avropada Fasiləsiz Peşə Təhsili üzrə regional layihəsi çərçivəsində Peşə Təhsili və Təliminin inkişafı üzrə Sahə Komitələri" adlı seminarı keçirildi. Seminarın əsas məqsədləri Sahə Komitələrinin işinin təşkili və onlara texniki dəstək, o cümlədən missiyanın hazırlanması, keyfiyyətin dəstəklənməsi və Peşə Təhsili və Təliminə uyğun fəaliyyət üçün Komitələrin vəzifə və rolunu müəyyən etməkdən ibarət idi. Seminarın məqsədi həmçinin özəl sektor tərəfdaşlarının maraq istiqamətlərinə əsasən sahə Şuralarının rolu və heyətinin müəyyən olunmasıydı. Tədbir iştirakçıları sahə komitələrinə milli baxışların nümunələrinin müzakirəsi yolu ilə Fasiləsiz Peşə Təhsili regional layihəsi çərçivəsində ölkələrdə fəaliyyətlər üçün zəmin yaratmağa çalışırdı.

Azərbaycan Respublikası Əmək və Əhalinin Sosial Müdafiəsi Nazirliyinin rəsmiləri açılış sözü ilə çıxış etdilər. Daha sonra mövzu ilə əlaqədar müxtəlif prezentasiylar təqdim edildi.

Seminarda çıxış edən DIOS layihəsinin əməkdaşı Amin Çərkəzov “ Sahə komitələri nədir; onlar nə üçün lazımdır?” mövzusunda prezentasiya ilə çıxış etdi. Türkiyə Toxuculuq üzrə İşəgötürənlər Assosiasiyasının nümayəndəsi Bora Kocaman bu sahədə Türkiyə təcrübəsindən danışdı.

Daha sonra Avropa Təhsil Fondunun nümayəndəsi Manuel Qalvin bu ilin oktyabr ayında Ukraynanın paytaxtı Kiyev şəhərində təşkil olunan regional konfransının nəticələrinə əsaslanan, milli iştirakçıların cəlb edilməsi ilə sahə razılaşmaları üzrə beynəlxalq və regional tendensiyalar barədə hesabatı iştirakçıların müzakirəsinə təqdim etdi.

Estoniya Peşə İxtisası Fondu İdarə Heyətinin üzvü Olav Aarna və Avropa Təhsil Fondunun əməkdaşı Arien Dey 2013-cü il üçün planlaşdırma, sahə komitələrinin qruplarda iş və sahələr üzrə göstərilən maraqlara əsaslanmış mümkün fəaliyyətlərinin hazırlanması istiqamətində təkliflərini bildirdilər.

Tədbirin sonunda seminarda iştirak edən dövlət nümayəndələri, işəgötürənlər, həmkarlar ittifaqları qurumları və QHT fəalları plenar müzakirələrə qatıldılar və 2013-cü il üçün perspektivləri müzakirə etdilər. Bu seminar ATF-in Şərqi Avropada Fasiləsiz Peşə Təhsili üzrə regional layihəsinin tərkib hissəsidir.

• Mir Cəlalın “Füzuli sənətkarlığı” kitabı İordaniyada nəşr olundu
• "Huma Quşu: xeyirxahlıq və cəsarət bələdçisi" - Xeyriyyə axşamı
• Pivənin güdazına gedən cinayətkar dəstə - Stadionlar niyə nəzarətə götürülmüşdü?