“Yazı” ədəbiyyat dərgisinin 10-cu sayı işıq üzü görüb. Baş redaktorun qeydləri ilə açılan dərginin rubrikaları yenə rəngarəngdir.

“Sözümüzün yiyələri” bölümü Y.V.Çəmənzəminli və Səməd Mənsura həsr olunub.

“Bir şeir” başlığında oxucular Adil Mirseyid və Əsəd Qaraqaplanın, “Bir kitab şeir”də gənc şair Qismətin, poeziya bölümündə Sevinc Elsevər, Aybəniz Əliyarlı, Arif Fərzəli, Aqşin Evren, Taleh Eminoğlu, Mehamn Qaraxanoğlu, Ruzbeh Məmməd, Müşfiq Mayıloğlu və Oğuz Ayvazın şeirlərini oxuya biləcəklər.

Nəsr bölümündə Azər Abdulla, Sevinc Elsevər, Ülviyyə Tahir , Mübariz Örənin hekayələri, Əkrəm Əylislinin “Dağlar deyir ki, soyuqdur” uzun hekayəsi və Azad Qaradərəlinin “Cülyettanın sağ döşünə toxunmaq” romanının davamı verilmişdir.

Çevirmə başlığında görkəmli Livan yazıçısı Mixail Nuaymənin “Mitrdadın kitabı” romanının əvvəli (tərcüməçi Fərzux Seyidbəyli), Ziqmund Freydin məşhur mühazirələri (Araz Gündüzün tərcüməsində) və türkiyəli yazıçı Ahmet Yıldızın ədəbi görüşlərindən nümunələr (Samir İlqaroğlunun tərcüməsində) dərc olunub.

Klassika bölümündə R.Akutakavanın hekayəsi və A.Kamyunun “Kaliqula” pyesi barədə fikirlər yer alıb.

“Nəfəslik” rubrikasında N.Hikmətin və Əli Kərimin eyni motivli şeirlərini oxumaq olar.

“Güney sovqatı” rubrikasında Ülkər Ucqar, Mahnı Zənqanlı, Məlihə Əzizpur və Sayman Aruzun şeirləri verilib.

“Palirta” bölümündə sürrealist rəssam İmran Nurəliyevin yaradıcılığı haqqında məlumatla və rəsmlərindən nümunələrlə tanış olmaq olar.

“Yazı” dərgisinin yeni sayını “Azərmətbuatyayım” və “Əks-səda” (metroların yaxınlığındakı yaşıl köşklər) yayım firmalarının köşklərindən əldə etmək mümkündür.

• "Bizdə rüşvət yoxdur, Azərbaycanı biabır edirlər..." - Murad niyə həbs olunmuşdu?
• Oruc tutmadığına görə tələbəni döydülər - Siyasi islamçı necə yaranır?
• Rusiyada "Səs" şousunun azərbaycanlı iştirakçısı saxlanılıb