25 yaşlı qız ədəbi mükafat aldı

Sənət

Ana səhifə
Sənət

25 yaşlı qız ədəbi mükafat aldı

9 iyun 2011

14:45

İngiltərənin ən nüfuzlu ədəbi mükafatlarından olan “Oranc”ın qalibi bəlli olub.

Kulis.az-ın AFP-yə istinadən verdiyi xəbərə görə, mükafatın bu ilki qalibi “Pələngin arvadı” əsəri ilə serb əsilli amerikan yazıçı Ti Obret olub.

25 yaşlı Ti Obret bu mükafatı alan ən gənc yazıçı olub.

Dünən baş tutan mükafatlandırma gecəsində yazıçı əsərini “Balkanlardakı müharibə fonunda ölümlərlə qarşı-qarşıya olan həkimlər haqqında dastan” adlandırıb.

Babasının hekayələrindən həvəslənərək yazdığı “Pələngin arvadı” Obretin debüt əsəridir.

Yalnız qadınlara verilən mükafat 1996-cı ildə təsis olunub və 30 min funt sterlinq (təxminən 49 min dollar) dəyərindədir.

“Oranc” qadın yazarlar arasında romançılıq ənənələrinin inkişafı və qiymətləndirilməsi məqsədi ilə yaradılıb.

Günel ƏSGƏRZADƏ