Sənət

“Sandıqda qalan muştuluq” kitabının təqdimatı keçirilib

“Sandıqda qalan muştuluq” kitabının təqdimatı keçirilib
14 noyabr 2012
# 18:33
Noyabrın 14-də Azərbaycan Yazıçılar Birliyinin (AYB) “Natəvan” klubunda yazıçı Səyyad Aranın “Sandıqda qalan muştuluq” kitabının təqdimatı və “İmza günü” keçirilib.

AzərTAc xəbər verir ki, AYB-nin katibi Rəşad Məcid müəllifi yeni kitabının işıq üzü görməsi və 60 illik yubileyi münasibətilə təmsil etdiyi qurumun rəhbərliyi adından təbrik edərək ona xatirə hədiyyəsi bağışlayıb. Xalq Yazıçısı Mövlud Süleymanlı, AYB-nin katibi Arif Əmrahoğlu yenicə çapdan çıxmış kitabda toplanmış hekayələr haqqında çıxış ediblər.

“Ulduz” jurnalının redaktoru, yazıçı-dramaturq Elçin Hüseynbəyli, tənqidçi Əsəd Cahangir 1978-ci ildə “Ulduz” jurnalında nəşr olunmuş “İbiş dayı” hekayəsi ilə bədii yaradıcılığa başlayan Səyyad Aranın 36 illik ədəbi fəaliyyətində insan taleyini və xarakterini, acı həyat həqiqətlərini özünəməxsus şəkildə canlandırdığını bildiriblər.

Diqqətə çatdırılıb ki, çoxsahəli yaradıcılıq diapazonuna malik Səyyad Aranın əsərləri “Azərbaycan”, “Literaturnıy Azerbaydjan”, “Gənclik”, “Azərbaycan qadını” jurnallarında, “Ədəbiyyat və incəsənət”, “525-ci qəzet”, “Yol”, “Dədə Qorqud” və s. mətbu orqanlarında dərc edilib.

İlk yaradıcılıq nümunəsi olan “Körpü” kitabı 1983-cü ildə “Gənclik” nəşriyyatında işıq üzü görmüş ədibin bir-birinin ardınca “Soyuq günəş”, “Xaosdan sabitliyə”, “Üfüqdə Nobel sülh mükafatı görünür”, “1960-80-ci illərdə Azərbaycan nəsrində psixologizm”, “Heydər Əliyev və Azərbaycan dövlət neft strategiyası” nəşrləri oxucuların rəğbətini qazanıb.

“Soyuq günəş” (“Təbriz” nəşriyyatı, 1996) “Akanma kağıdı” (“Təmizlik kağızı”, İstanbul “Milenyum” nəşriyyatı, 2010) kitabları müəllifi ölkəmizin hüdudlarından kənarda da geniş oxucu kütlələrinə tanıdıb. Sonda yazıçı tədbirin təşkilatçılarına və iştirakçılarına minnətdarlığını bildirərək yeni kitabını avtoqrafla gənc oxuculara təqdim edib.
# 2442 dəfə oxunub

Oxşar xəbərlər

Təbiətin ramedilməz enerjisinin kətanda təsviri - Moris de Vlamnikin məşhur əsəri

Təbiətin ramedilməz enerjisinin kətanda təsviri - Moris de Vlamnikin məşhur əsəri

13:30 11 oktyabr 2026
"Dünənki adamın yarısı belə deyiləm..." - Məşhur "Yesterday" necə yarandı?

"Dünənki adamın yarısı belə deyiləm..." - Məşhur "Yesterday" necə yarandı?

11:30 11 oktyabr 2026
"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

12:00 9 oktyabr 2026
"Bir adətin ənənəviliyi onun yaxşılığına dəlalət etmir..." - Harriet Teylor Mill kim idi?

"Bir adətin ənənəviliyi onun yaxşılığına dəlalət etmir..." - Harriet Teylor Mill kim idi?

16:00 8 oktyabr 2026
İtalyan rəssamın sevgilisindən ilhamlanıb çəkdiyi tablo - "Məryəm iki mələk ilə"

İtalyan rəssamın sevgilisindən ilhamlanıb çəkdiyi tablo - "Məryəm iki mələk ilə"

14:00 8 oktyabr 2026
Səhnədə üsyan, mağazada moda – Qranj necə özünə xəyanət etdi?

Səhnədə üsyan, mağazada moda – Qranj necə özünə xəyanət etdi?

18:40 6 oktyabr 2026
#
#
Ana səhifə Reels Yazarlar Xəbərlər