Kulis.az gənc və istedadlı şair Anar Məcidzadənin şeirlərini təqdim edir.
Sevgi yağışları
Yenə yağış yağır-narın yağışlar,
Görüşə gedirəm əllərimdə gül.
Yenə qara gözlər, yenə baxışlar,
Tələsir görüşə, tələsir könül.
Bu yağan yağışlar sevgidən yağır,
Sanki yağışlar da yerlə danışır.
Görüşə gedirəm, yollar nə ağır.
Ürək təbiətlə küsüb, barışır.
Bu yağan yağışlar birdən isladar,
Yolumu gözləyən gözəl yarımı.
Mən qurban edərəm-nə qədər eşq var,
O gəzəl yarıma dövlət, varımı.
Yağan yağışlar da nəğmə oxuyur,
Bizim eşqimizə, saf məhəbbətə.
Sanki göyün üzü çələng toxuyur,
Bu günüm dönübdür bir hekayətə.
Buludla örtülüb göylərin üzü,
Yağışlar da yağır, yenə yağacaq.
Bu yağan yağışlar sevginin özü,
Sevgi olan yerdə günəş doğacaq.
Yenə yağış yağır-narın yağışlar,
Nə yollar yorulur, nə göy yuxulu.
Hər yağış damlası sevgi bağışlar,
Məhəbbət qoxulu, sevda qoxulu.
Bu yağan yağışlar sevən qəlbimin,
Göydən yerə düşən yağışlarıdır.
Bəlkə yağış deyil, bu, sevgilimin,
Yolumu gözləyən baxışlarıdır.
Mən həqiqət yazdım, yalan yazmadım,
Bu dünya özü də həqiqət imiş.
Getdiyim bu yolda bir an azmadım,
Dünyada doğru yol məhəbbət imiş.
Bakı nəğməsi
Mavi Xəzər qucağında,
Ana vətən ocağında,
Firəvan, kefi çağ Bakım.
Hər yanda üzü ağ Bakım.
Yurdum üçün qızıl küzə,
Gözəlliyi bir möcüzə.
Gəlməyəsən heç vaxt gözə,
Xoşbəxt Bakım, gözəl Bakım.
Hər duyğudan əzəl Bakım.
Sənət yurdu, şair yurdu,
Vətənimə işıq, nurdu.
Keçmişin də bir qürurdu,
Adın ellər gəzər Bakım.
Sirdaşındı Xəzər, Bakım.
Hərdən mavi dəniz coşur,
Anar sənə nəğmə qoşur.
Yazım neçə kəlmə, Bakım.
Gözəl Bakım, nəğmə Bakım.
Mənim sevgilim
Bu gözlərim için-için ağlayır,
Ağlamaqla ürəyimi dağlayır,
Görən kimdir yolumuzu bağlayır,
Gedənmirəm mən yanına sevgilim.
Dərd düşür aşiq canına sevgilim.
Sorağını dost-tanışdan almışam,
Sen o yanda mən bu yanda qalmışam,
Könlümdən könlünə körpü salmışam,
Qəlbim seninlədir hər an sevgilim.
Sənsiz ürək olub viran sevgilim.
Hər dərdini inan dərdim bilmişəm,
Ağlasan ağlayıb gülsən gülmüşəm,
Səndən ayrı inan Vallah ölmüşəm,
Eşitməyim kədərini sevgilim.
Xoş görüm hər səhərini sevgilim.
Nə zamandır ünüm sənə çatmayır,
Gözüm yuxu görmür inan yatmayır,
Anar seni heç zaman unutmayır,
Həm sevincim, həm də qəmim sevgilim.
Men səninəm, sən də mənim sevgilim.
Anar Məcidzadə
“Səndən ayrı inan vallah ölmüşəm”
Oxşar xəbərlər
![Zamana yayılmış, bəlkə də, dağılmış tanrı!.. - Aqşin Yenisey](https://kulis.az/storage/news/2024/september/05/big/66d948d1dc61c66d948d1dc61d172551598566d948d1dc61a66d948d1dc61b.jpg)
Zamana yayılmış, bəlkə də, dağılmış tanrı!.. - Aqşin Yenisey
15:00
5 sentyabr 2024
!["Əgər bir gün sən..." - Səməd Vurğun oğluna nə demişdi?](https://kulis.az/storage/news/2024/september/02/big/66d83ef8ca5ed66d83ef8ca5ee172544792866d83ef8ca5eb66d83ef8ca5ec.png)
"Əgər bir gün sən..." - Səməd Vurğun oğluna nə demişdi?
15:00
4 sentyabr 2024
!["Həmin adamı bağışlamayacam..." - Salam Sarvan](https://kulis.az/storage/news/2024/september/03/big/66d6c0600febc66d6c0600febd172534998466d6c0600feba66d6c0600febb.jpg)
"Həmin adamı bağışlamayacam..." - Salam Sarvan
12:30
3 sentyabr 2024
![Ürəkbulanma - Əli Zərbəlinin hekayəsi](https://kulis.az/storage/news/2024/september/02/big/66d5c444d6f8c66d5c444d6f8d172528544466d5c444d6f8a66d5c444d6f8b.jpg)
Ürəkbulanma - Əli Zərbəlinin hekayəsi
09:00
3 sentyabr 2024
![Qızı öldü, əri güllələndi, özünə qəsd etdi - Rəfiqəsini sevən şairin faciəvi həyatı](https://kulis.az/storage/news/2024/august/30/big/66d1a2b27f6e066d1a2b27f6e1172501470666d1a2b27f6de66d1a2b27f6df.png)
Qızı öldü, əri güllələndi, özünə qəsd etdi - Rəfiqəsini sevən şairin faciəvi həyatı
12:00
31 avqust 2024
![Dəbdən düşmüş kişilik, namus və manat - Ən perspektivli valyuta yaltaqlıqdır](https://kulis.az/storage/news/2024/august/30/big/66d15b06c32ca66d15b06c32cb172499635866d15b06c32c866d15b06c32c9.jpeg)
Dəbdən düşmüş kişilik, namus və manat - Ən perspektivli valyuta yaltaqlıqdır
15:00
30 avqust 2024