Sənət

AYB üzvlərinə xəbərdarlıq etdi

AYB üzvlərinə xəbərdarlıq etdi
6 sentyabr 2012
# 13:17
“Gənc şairlər Fərid Hüseyn və Şəhriyar Hacızadənin İranda başına gələn hadisələrdən sonra Azərbaycan Yazıçılar Birliyi üzvlərinin İrana getməsini qadağan edə bilmərik.

Çünki biz ictimai təşkilatıq. Amma istərdik ki, İrana gedən birlik üzvləri ehtiyatlı olsunlar və belə hadisələrlə üzləşə biləcəklərini nəzərə alsınlar”. APA-nın xəbərinə görə, bunu AYB-nin katibi, “Pen-Klub”un prezidenti Çingiz Abdullayev bu gün keçirdiyi mətbuat konfransında deyib.

Şairlərin İranda həbsindən sonra “Pen-Klub”un onların müdafiəsinə qalxdığını, dünyanın müxtəlif “pen-klub”larına müraciət etdiyini xatırladan AYB katibi deyib ki, 14-ə yaxın “pen-klub” İran hökumətinə şairlərin azadlığa buraxılması üçün müraciət edib: “Bununla bağlı ilk gündən çox böyük narahatlıqlar var idi. Onlara qarşı müxtəlif ittihamlar səslənirdi. Azərbaycan dövləti sağ olsun ki, öz vətəndaşları olan şairlərin azad olunması üçün böyük əmək sərf etdi. Mən xatırlamıram ki, hansısa vətəndaşa görə beş dəfə nota verilsin”.

Ç. Abdullayev şairlərin heç bir cinayətlərinin olmadığını da vurğulayıb.

Daha sonra AYB katibi İranda həbs olunan şairləri müdafiə etmədiklərinə, müdafiə edənləri isə qınadıqlarına görə, Azərbaycanın jurnalist təşkilatlarını, politoloqları günahlandırıb: “Bəzilər deyirdilər ki, bunlar nəyə lazımdır? Jurnalist təşkilatlarının heç biri onların müdafiəsi üçün çalışmadı. Elə azərbaycanlılar var ki, ölkədə nə qədər çox pis olsa, onlar bir qədər çox sevinirlər. Azərbaycanda baş verən hər hansı hadisəyə Amerika, Norveç səfirlikləri dərhal reaksiya verirlər. Amma şairlərin həbsinə heç bir reaksiya vermədilər”.

AYB katibi Azərbaycan şairlərinin həbsinin İranın imicinə çox böyük zərbə vurduğunu da bildirib.
# 2358 dəfə oxunub

Oxşar xəbərlər

Abşeron damları, unudulmuş bayatı vizuallığı, qürub ekspressionizmi... - Fərhad Xəlilovun məşhur tabloları

Abşeron damları, unudulmuş bayatı vizuallığı, qürub ekspressionizmi... - Fərhad Xəlilovun məşhur tabloları

15:00 26 oktyabr 2026
"Sevimli mahnılarımı gözləyərdim..." - "Yesterday once more" necə yarandı?

"Sevimli mahnılarımı gözləyərdim..." - "Yesterday once more" necə yarandı?

13:00 25 oktyabr 2026
Qolunun kəsilməsinə razılaşmadı, Fəxri Xiyabandakı yerindən imtina etdi - Azərbaycanın ilk peşəkar qadın rəssamı

Qolunun kəsilməsinə razılaşmadı, Fəxri Xiyabandakı yerindən imtina etdi - Azərbaycanın ilk peşəkar qadın rəssamı

15:00 24 oktyabr 2026
Son çörək və son şərab - Məşhur rəssamın əsərindəki sirr

Son çörək və son şərab - Məşhur rəssamın əsərindəki sirr

18:40 21 oktyabr 2026
Dost, yoxsa düşmən? – Kurt Kobeyn "Necə varsansa, elə gəl" deyərkən kimə müraciət edirdi?

Dost, yoxsa düşmən? – Kurt Kobeyn "Necə varsansa, elə gəl" deyərkən kimə müraciət edirdi?

16:00 21 oktyabr 2026
"Sən ey xəyanətə, zülmə bir yuva..." - Əmin Abid Gültəkin rəsmi Moskvanı niyə hədələmişdi?

"Sən ey xəyanətə, zülmə bir yuva..." - Əmin Abid Gültəkin rəsmi Moskvanı niyə hədələmişdi?

12:00 21 oktyabr 2026
#
#
Ana səhifə Reels Yazarlar Xəbərlər