Bir gün çarpayımda yatsan - Qəşəm Nəcəfzadənin şeiri

Bir gün çarpayımda yatsan - Qəşəm Nəcəfzadənin şeiri
17 oktyabr 2023
# 12:12

Bu gün yazıçı Kəramət Böyükçölün doğum günüdür. Kulis.az bu münasibətlə şair Qəşəm Nəcəfzadənin ona həsr etdiyi şeiri təqdim edir.

Oğlum Kəramət Böyükçölə


Kəramət, səni çağırsam
Səsimin titrəyişi tanış gəlsə
Tanış bir adama oxşasam
Səni güldürmək üçün
Durub it kimi ulasam
Pişik kimi miyoldasam
Kəramət.


Ayaqqabımı sənə versəm geyməyə
Köynəklərimi sənin üçün daraltsam
Kompüterimi sənə bağışlasam
Bir gün çarpayımda yatsan
Xəstə ürəyimin döyüntülərini
Bir-bir çarpayıdan yığsan
Kəramət.


Səninlə gizlənpaç oynasam
Qaçıb bir qara daşın altına girsəm
Sən məni gəzsən, çağırsan,
Qaçıb, qaçıb göz yaşlarından öpsəm
Üzr istəsəm
Kəramət.


Əllərimi sənə açsam
Səndən bir xatirə dilənsəm
Atanın bir şəklini səndən istəsəm
Sən də o şəkli tapa bilməsən
Kəramət.


Uşaqlıq şəkillərini yığıb sənə versəm
Uşaq kimi iməkləsəm
Körpə kimi qığıldasam
Kəramət.


indi bütün qığıltılarını səsləndirsəm
Əmziyini, süd şüşəni sənə versəm
Dizlərimi çopur daşlar sıyırsa
Əllərimi isti çayla yandırsam
Mən sənin oğlun olsam
Sən mənim atam olsan
Kəramət.

# 4041 dəfə oxunub

Oxşar xəbərlər

Tənlik işarəsidir güllələr! - Günün şeiri

Tənlik işarəsidir güllələr! - Günün şeiri

14:41 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Sizi unutmayacaq şanlı millətim əsla - Ən məşhur soyqırımı şeiri

Sizi unutmayacaq şanlı millətim əsla - Ən məşhur soyqırımı şeiri

11:05 31 mart 2025
Nə atan, nə anan, nə sevdiyin qadın... - Malik Atilayın yeni şeirləri

Nə atan, nə anan, nə sevdiyin qadın... - Malik Atilayın yeni şeirləri

14:20 28 mart 2025
Oyanmazmı, kor olası
baxtım, oy?! - Şair, mühacirət və sevgi

Oyanmazmı, kor olası baxtım, oy?! - Şair, mühacirət və sevgi

10:00 25 mart 2025
Saz bayramı, caz bayramı, qoz bayramı - Novruz şeirləri

Saz bayramı, caz bayramı, qoz bayramı - Novruz şeirləri

12:00 21 mart 2025
# # #