“Hüseyn Cavid – 135” müsabiqəsinin qalibləri mükafatlandırılıb

<span style="color:red;">“Hüseyn Cavid – 135”  müsabiqəsinin qalibləri mükafatlandırılıb
2 fevral 2018
# 15:50

Fevralın 2-də Beynəlxalq Mətbuat Mərkəzində dahi Azərbaycan şairi Hüseyn Cavidin 135 illik yubileyinə həsr olunmuş “Hüseyn Cavid – 135” şeir müsabiqəsinin mükafatlandırma mərasimi olub.

Kulis.azın verdiyi xəbərə görə, “Kaspi” təhsil şirkəti, “Kaspi” qəzeti və artkaspi.az portalının birgə təşkil etdiyi tədbirdə “Kaspi” qəzetinin təsisçisi Sona Vəliyeva, Mətbuat Şurasının sədri Əflatun Amaşov, jurnalistlər və yazıçılar iştirak ediblər.

Tədbiri giriş sözü ilə Mətbuat Şurasının sədri Əflatun Amaşov açıb. O, Hüseyn Cavidin həyat və fəaliyyətindən danışıb.

Dahi dramaturqun həyat və fəaliyyətini əks etdirən video-çarx nümayiş olunub.

“Kaspi” qəzetinin təsisçisi Sona Vəliyeva çıxışında deyib ki, Hüseyn Cavid çox xoşbəxt sənətkarlardandır: “Şəxsiyyətləri mühit yetişdirir. Bu, birmənalıdır. Cavidin taleyi elə yazılmışdır ki, onun atası mütləq Şaxtaxtdan köçməli idi. Böyük dramaturq atasının qoyduğu molla məktəbindən qaçmalı, Sidqinin məktəbinə gəlib dünyəvi elmlərlə məşğul olmalı idi. O, öz yaradıcılığını iki böyük məfkurənin qovşağının bünövrəsində qurmalı idi”.

S.Vəliyeva bildirib ki, Cavidin bütün əsərlərində məfkurə hakimliyi var: “O nə yazıbsa, orada iki xətt var. Biri Tanrıya, biri də milli məfkurəyə bağlılıq”.

Ümummilli lider Heydər Əliyevin təşəbbüsü ilə görkəmli şairin məzarının Azərbaycana gətirilməsindən söz açan S.Vəliyeva qeyd edib ki, ulu öndər ailəni böyük məqbərə altına topladı: “Ümummilli lider Hüseyn Cavid ideologiyasını dəstəkləməklə bu ailədən olduğunu sübut etdi. Bu, böyük şairə verilən böyük qiymət, tarixi xidmətdir”.

Müsabiqə haqqında məlumat verən natiq vurğulayıb ki, müsabiqəyə 108-ə qədər müəllif şeir göndərib. Qalibləri görkəmli söz adamlarında ibarət münsiflər heyəti müəyyənləşdirib.

Müsabiqənin münsiflər heyətinin üzvü, şair Sabir Rüstəmxanlı Cavidin Azərbaycana qayıdışını tarixi bayram adlandırıb.

Sonda müsabiqə qalibləri mükafatlandırılıb. Birinci yerə Əlizadə Nuri, ikinci yerə Yusif Mustafayev, üçüncü yerə Bəhruz Niftəliyev layiq görülüb. Müsabiqənin xüsusi mükafatları da sahiblərinə təqdim olunub.

Tədbirdə müsabiqəyə göndərilən poetik nümunələrdən ibarət antologiya da oxuculara təqdim olunub.

# 1632 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #