Kulis.Az azərbaycanlı sürücünün 22 özəl keyfiyyətini təqdim edir.

1. Radarı və yolda dayanan polisi “marqat”la qarşıdan gələn maşına xəbər verər

2. İçib maşın sürməyi qəhrəmanlıq sayar.

3. Sənədləri yol polisi işçisinə mümkün qədər verməz.

4. Yanacağın işığı yanmayınca yanacaqdoldurma məntəqəsinə dönməz.

5. Yanacaqdoldurma məntəqəsindən çek istəməz.

6. Gecə qarşıdan gələn maşın işarə eləməyincə “dalni”ni “bilijni” etməz.

7. Maşın hissələrinin adını azərbaycanca söyləməz.

8. Təzə öyrənən sürücüyə nəsihət verməkdən ötrü ürəyi gedər.

9. Təzə öyrənən sürücüyə verdiyi nəsihətlərə özü əməl eləməz.

10. Yol polisinin onu saxlaması ilə bağlı çoxlu qəhrəmanlıq nağılları danışar.

11. “Vallah qayda pozmasan, saxlamazlar” desə də onu saxlayan polisləri axıracan haqsız sayar.

12. Tələsmək olmaz deyib, tələsər, həmişə öz yolunla sür, deyib, öz yoluyla sürməz, başqa yola keçəndə “pavarotnik”i yandır deyib, özü yol dəyişəndə yandırmaz.

13. Dönəndən sonra uzun müddət “pavarotnik”i yanılı qalar.

14. “Avarenniy”ə “Avoryonnu” deyər.

15. Maşını yağ yeyirsə hamıdan gizləyər.

16. Maşın xərclərinə görə arvadla tutaşar.

17. Yoldan çox benzin göstərən əqrəbə baxar.

18. Şitdəki çoxsaylı göstəricilərdən yalnız üçündən başı çıxar: sürət, benzin, temperatur.

19. Radara düşəndə özünü sındırmamaq üçün qürrələnər.

20. Cəriməni sızıldaya-sızıldaya ödəyib, fəxrlə danışar.

21. Maşından başı çıxdığını nümayiş etdirmək üçün Gürcüstanın maşın bazarındakı qiymətlərdən danışar.

22. Şəhərdəki “ölüxanalar”ın yerini əzbər tanıyar.

• Gül yağışı – Azər Abdullanın hekayəsi
• Şou proqramlarına göstərilən "qırmızı vərəqə"
• Rejissor Rüfət Əsədov: "Ayaz Salayev bu məsələdə qarışıqlıq saldı" - Müsahibə