“Əvvəldən sənədli və animasiya filmləri müsabiqəsi də nəzərdə tutulmuşdu. Sonradan vaxt itirməmək üçün müsabiqələri ayrı-ayrılıqda yox, bir yerdə elan etməyi qərara aldıq. Çünki vaxt məhduddur, ayrı-ayrı müsabiqələr xeyli zaman alacaq, filmin hazırlıq, istehsal prosesi uzun zaman alacaq”

Bu sözləri Kulis.az-a açıqlamasında Mədəniyyət Nazirliyinin kinematoqrafiya şöbəsinin aparıcı məsləhətçisi Elşad Ərşadoğlu nazirliyin elan etdiyi kinossenari müsabiqəsinə olunan dəyişikliklərlə bağlı açıqlamasında söyləyib.

Qeyd edək ki, Mədəniyyət Nazirliyinin elan etdiyi kinossenari müsabiqəsinin şərtlərinə görə, əvvəldən yalnız tammetrajlı bədii film layihələrinin qəbulu bildirilsə də sonradan qısametrajlı, sənədli və animasiya ssenarilərinin də qəbulu haqqında şərt əlavə olunub. Həmçinin bundan əvvəlki elanda seçilmiş qalib ssenarilərin istehsalının C.Cabbarlı adına "Azərbaycanfilm" kinostudiyasına sifariş olunacağı haqda bənddən “Azərbaycanfilm” sözü çıxarılıb.

“Format genişləndiyi üçün “Azərbaycanfilm”i qeyd etmək olmaz. Bəlli məsələdir ki, cizgi film və ya sənədli film "Azərbaycanfilm”də çəkilmir. Lakin bu bədii tammetrajlı layihələrin hamısının “Azərbaycanfilm”ə veriləcəyi anlamına gəlmir. Bədii və digər film layihələri digər dövlət və özəl studiyalara da sifariş oluna bilər. Lakin bu haqda danışmaq tezdir, bu, sonrakı mərhələdir. İndi qarşıda duran ssenari seçimi məsələsidir. Filmlərin harada çəkiləcəyi gələcək mərhələdə həll olunacaq.”

Elşad Ərşadoğlunun sözlərinə görə, qalib ssenariləri seçəcək komissiyanıın tərkibi bəllidir:

“Münsiflər heyəti təsdiq olunub. Yaşlı, orta və gənc yaşda olan kino mütəxəssislərindən ibarət səkkiz nəfərlik heyətdir. İndiki mərhələdə heyətdə kimlərin olması haqda məlumat gizli saxlanılacaq. Bunu müsabiqənin obyektivliyini qorumaq məqsədilə edirik” – deyə nazirliyin sözçüsü izah edib.

• Nəşəxor qazi, erməni qızının alt paltarı ilə oynayan əsgər - Orxan Saffarinin sahəsi
• Adil Kərimli Məhəmməd Mehdi İsmaili ilə görüşdü
• İndi də o üzdə Təbriz ağrıyır - Şahnaz Şahinin yeni şeirləri