Başqa bir tayı olmadığı ehtimal olunan tək körpə Tiranazaur rex fosili eBay-da satışa çıxarılıb.

Kulis.az-ın türk mətbuatına istinadən verdiyi xəbərə görə, fosil satış saytında 2,95 milyon dollar qiymətinə təqdim olunur.

“Dünyada tayı olmadığı ehtimal olunan tək körpə T-Rex! 4,5 metr uzunluğunda bədəni və tırtıllı dişləri ilə 53 smlik kəlləsi var. Bu T-Rex çox təhlükəli bir ətyeyən idi. Bir körpə T-rex görmək həqiqətən də nadir bir imkandır...” - deyə sayt nümunəni təqdim edir.

68 milyon yaşında olduğu təxmin edilən skelet ilk olaraq 2013-cü ildə Montanadakı xüsusi ərazidə kəşf edilib. Daha sonra isə, o, onu kəşf edən adamın mülkiyyəti kimi qəbul olundu. Bu, professional bir fosil yığan Alan Ditrix idi. Onurğalıların Paleontologiyası Dərnəyi fosili elmi təcrübələrdən kənar saxlayan Ditrixi və fosilin qiymətinin artırılmasına yardımçı olaraq onu sərgiləyən universiteti tənqid edib. Açıq məktub çap etdirən dərnək fosilin araşdırmadan sərgiləndiyinə təəssüf etdiklərini yazıb:

“Yüzlərlə və ya minlərlə ziyarətçinin diqqətini çəkən bu hərəkət fosilin ticari dəyərini də artırdı. Muzeylərin getdikcə qiyməti artan nümunələri almaq üçün büdcələri olduqca aşağıdır.”

Təklif etmək seçimi olsa da, indiyə kimi heç kim tələb olunan məbləği ödəməyə həvəs göstərməyib.

• “Nine Senses Art Center”da “Hekayələrin elçiləri” adlı sərgi keçirilib
• "Bunun bir səbəbi var: qadın yazıçıları görməzdən gəlmək" - Qalmaqallı kitaba ETİRAZ
• "Heç İsa da bəşəriyyətə mənim qədər ağuşunu açmamışdı" - Fernando Pessoanın poeması