Məmməd Arazın xatirəsi anılıb

Məmməd Arazın xatirəsi anılıb
14 oktyabr 2019
# 19:08

Bu gün Xalq şairi Məmməd Arazın doğum günüdür. Bu münasibətlə şeirsevərlər, şairin qələm yoldaşları, yaxınları Fəxri xiyabana gələrək görkəmli şairin məzarını ziyarət edib, qəbri üstünə tər güllər düzüblər.

Anım mərasimində çıxış edən tədqiqatçı-şair Qardaşxan Əzizxanlı Məmməd Araz poeziyasının bənzərsizliyindən söz açıb. Bildirib ki, Azərbaycanın taleyinə biganə olmayan hər kəs Məmməd Arazın poeziyasını öyrənir və sevir, ona istinad edir. Çünki onun yaradıcılığında ölkəmizin coğrafi, mənəvi taleyi yaşayır. Son illər Məmməd Arazın poeziyası gəncləşir və onun oxucu auditoriyası daha da genişlənir. Onun poeziyası insan ruhuna sanki qida verir və yeni-yeni üfüqlərə çatmağa sövq edir. Məmməd Araz yaradıcılığının baş qəhrəmanı Azərbaycandır. Onun “Vətən mənə oğul desə”, “Məndən ötdü, qardaşıma dəydi”, “Mənim Naxçıvanım”, “Ata ocağı”, “Ana yurdum, hər daşına üz qoyum” şeirləri vətən mövzusunda ən yaxşı əsərlər kimi dillər əzbəridir. Poeziyamızda Azərbaycan mövzusunda çox yazılıb. Azərbaycana çoxlu şeirlər ithaf olunub. Amma Məmməd Arazın “Azərbaycan – dünyam mənim” şeirinin bənzəri yaradılmayıb. Bu şeirin bütün intonasiyası şair qəlbinin ağrılarından, fəal vətəndaş narahatlığından keçir. Şeir yaradıcılığında olduğu kimi, poemaları ilə də Məmməd Araz təkrarsızdır. Onun “Üç oğul anası”, “Araz axır”, “Mən də insan oldum”, “Paslı qılınc”, “Əsgər qəbri”, “Atamın kitabı” poemaları hər şeydən əvvəl insan mənəviyyatının mürəkkəbliyi, tarix və müasirlik, milli tale və tarixi yaddaşın bərpası kimi fundamental məsələlərə həsr olunub.

Tanınmış şairi Şair Yusif Həsənbəy Məmməd Arazla görüşlərindən danışıb, xatirələrini bölüşüb.

Ədibin yaradıcılığına toxunan yazıçı Seyran Səxavət bildirib ki, Məmməd Arazın şeirləri yaşlı təbəqəni cavanlaşdırır, gəncləri isə müdrik olmağa çağırır.

Çıxışlarda vurğulanıb ki, dərin məzmunlu, oxunaqlı və milli mündəricəli şeirlərilə Məmməd Araz vətəndaş qeyrətli ədəbiyyat nəhəngidir. Bu görkəmli şair həm də milli azadlıq ideyalı əsərlərilə istiqlal şairi olaraq əbədi şöhrət qazanıb.

Anım günündə Məmməd Arazın bir neçə şeir söylənilib və sözlərinə yazılmış “Qızlar bulağı” mahnısı ifa olunub. /azertag.az/

# 2865 dəfə oxunub

Oxşar xəbərlər

Xalq artisti:  "O çəkilişin ikinci günü hər şeyi qoyub çıxıb getmişəm"

Xalq artisti: "O çəkilişin ikinci günü hər şeyi qoyub çıxıb getmişəm"

16:00 6 aprel 2025
Barat Vüsalın yeni kitabı çap olundu

Barat Vüsalın yeni kitabı çap olundu

15:47 6 aprel 2025
10 gündür komada olan reper vəfat etdi

10 gündür komada olan reper vəfat etdi

14:50 6 aprel 2025
Azərbaycanın "Avroviziya 2025"  təmsilçisinin ilk canlı çıxışı oldu

Azərbaycanın "Avroviziya 2025" təmsilçisinin ilk canlı çıxışı oldu

13:40 6 aprel 2025
"Bu kül o kişinin başına ki..." - Loğman

"Bu kül o kişinin başına ki..." - Loğman

13:00 6 aprel 2025
Elton Con korluğundan danışdı: "Oğullarımla idman yayımları izləyə bilmirəm"

Elton Con korluğundan danışdı: "Oğullarımla idman yayımları izləyə bilmirəm"

16:00 5 aprel 2025
# # #