Mədəniyyət Nazirliyinin təşkilatçılığı ilə keçirilən Xankəndi şəhər günü çərçivəsində Qarabağ universitetində “Arşın mal alan” operettası nümaiş edilib.
Kulis.az APA-ya istinadən xəbər verir ki, tamaşanın quruluşçu rejissoru Elvin Mirzəyev, bərpaçı rejissoru Əhəd Hacıyev, quruluşçu dirijoru – Əməkdar incəsənət xadimi Nazim Hacıəlibəyov, quruluşçu rəssamı – Əməkdar rəssam Nabat Səmədova, quruluşçu baletmeysterləri – Əməkdar artistlər Zakir və Yelena Ağayevlər, xormeysteri isə Əməkdar artist Vaqif Məstanovdur.
Üzeyir Hacıbəylinin 1913-cü ildə qələmə aldığı “Arşın mal alan” operettası Azərbaycan musiqili teatrının şah əsərlərindən biri hesab olunur. Əsərin mərkəzində Əsgər və Gülçöhrənin səmimi məhəbbət hekayəsi dayanır. Operetta XX əsrin əvvəllərində Azərbaycan cəmiyyətində mövcud olan köhnəlmiş adət-ənənələrə qarşı yeni düşüncənin, azadlıq və sevgi uğrunda mübarizənin bədii ifadəsidir.
Qeyd edək ki, Prezident İlham Əliyevin sərəncamı ilə 20 sentyabr – Xankəndi, Xocalı, Xocavənd və Ağdərə şəhərləri günü kimi qeyd olunur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər