"The Beatles" qrupunun rəsmi saytının ana səhifəsində müəmmalı taymer peyda olub.

Kulis.az xəbər verir ki, taymerin altındakı qeyddə "Yaxşı şeylər gözləməyi bacaranlara qismət olur" sözləri yazılıb.

"The Beatles" 1960-cı ildə Liverpulda yaradılmış Britaniya rok qrupudur. Qrupun klassik heyətinə Con Lennon, Pol Makkartni, Corc Harrison və Rinqo Starr daxil idi. Qrup musiqi tarixində ən uğurlu kollektivlərdən biri olaraq qəbul edilir. "Rolling Stone" jurnalı "The Beatles"ı bütün dövrlərin ən b[ywk ifaçıları siyahısında birinci yerə layiq görüb. Qrup 1970-ci ildə birgə fəaliyyətini dayandırıb.

2023-cü ilin noyabrında "The Beatles" Con Lennonun hələ 1970-ci illərdə lentə alınmış vokalının yer aldığı "Now and Then" mahnısını yayımlamışdı. Bu, qrupun 1996-cı ildən bəri ilk yeni bəstəsi idi. Səs yazısını süni intellektin köməyi ilə bərpa etmək mümkün olmuş, gitara, zərb alətləri və bas partiyalarını isə Pol Makkartni, Rinqo Starr və Corc Harrison tamamlamışdılar.

"The Beatles" qrupu haqqında

"The Beatles" 1960-cı ildə Böyük Britaniyanın Liverpul şəhərində yaranmış və qısa müddətdə qlobal fenomenə çevrilmiş əfsanəvi rok qrupudur. Con Lennon, Pol Makkartni, Corc Harrison və Rinqo Starrdan ibarət dördlük pop və rok musiqisinin inkişafında inqilabi rol oynayıb. Cəmi 10 il fəaliyyət göstərmələrinə baxmayaraq, "Hey Jude", "Let It Be", "Yesterday", "Come Together" kimi onlarla ölməz hitlər yaradıblar. Dünyada bir milyarddan çox albomu satılan qrup həm ticari, həm də tənqidi baxımdan bütün zamanların ən böyük və ən nüfuzlu musiqi kollektivi hesab olunur. 1970-ci ildə qrup dağıldıqdan sonra üzvlərin hər biri uğurlu solo karyera qurub.

• Mədəniyyət sahəsində qrant müsabiqələrinin keçirilməsi Qaydası təsdiqləndı
• Məşhur aktrisa dünyasını dəyişdi
• Mahsun Kırmızıgül ifadəyə çağırıldı - Səbəb