Bakıda Xalq şairi Məmməd Arazın xatirəsinə ithaf olunan ədəbi-bədii tədbir təşkil edilib.

Kulis.az xəbər ki, ecədə elmi və ədəbi ictimaiyyətin tanınmış nümayəndələri iştirak edərək çıxışlar ediblər.

Akademiklər Nizami Cəfərov və Muxtar İmanov, ədəbiyyatşünas Əsəd Cahangir, Əməkdar incəsənət xadimi Nazim Kazımov, Xalq şairi Sabir Rüstəmxanlı, tədqiqatçı-alim Qardaşxan Əzizxanlı, filoloq və şair Adilə Nəzər Məmməd Araz poeziyasının məna qatları, bədii-estetik dəyəri və milli ədəbiyyatımızdakı mövqeyi haqqında fikirlərini səsləndiriblər.

Tədbirin musiqili hissəsində Xalq artisti Niyaməddin Musayev, Əməkdar artist Nuriyyə Hüseynova, II Televiziya Muğam müsabiqəsinin qalibi Güllü Muradova, aşıq Ramin Qarayev, Çilənay Hüseynova, Mehranə Vəliqızı və Sərxan Bünyadzadə şairin sözlərinə yazılmış əsərləri ifa edərək gecəyə bədii ovqat qatıb.

Şeir parçaları isə qiraət ustaları Kamran Yunis, Həlimət Sultan, Şirzad Pirallahı, Müşfiqə Baləddinqızı, Ülviyyə Niyazqızı, İbrahim Əhmədov, həmçinin Hədəf Liseyinin şagirdləri tərəfindən səsləndirilib və tamaşaçılar tərəfindən böyük maraqla qarşılanıb.

Gecə zamanı Məmməd Arazın Naxçıvandakı ev-muzeyinə aid video materiallar nümayiş olunub, muzeyin direktoru Əzizə Süleymanova çıxış edərək şairin xatirəsinin qorunub yaşadılması istiqamətində görülən işlər barədə məlumat verib.

Tədbirdə ailə adından çıxış edən yazıçı Aqil Abbas xatirə gecəsinin ərsəyə gəlməsinə töhfə verən hər kəsə təşəkkürünü ifadə edib.

Sonda qonaqlara Məmməd Arazın dörd cilddən ibarət kitabları təqdim olunub. Ədəbi-bədii gecə şairin öz ifasında səslənən “Salamat qal” şeiri ilə başa çatıb.

• Maykl Ceksona klip çəkdi, uşaqların ölümünə səbəb oldu... – Spilberq niyə onunla dostluğu kəsmişdi?
• Ordunun nəzarətində film çəkən Bollivud rejissoru – Hökumət onu niyə hədələmişdi?
• "Harri Potter"in müəllifi: "Kim olduğumuzu bacarıqlarımızdan çox, etdiyimiz seçimlər göstərir"