İrəvan Dövlət Azərbaycan Dram Teatrının keçmiş direktoru aktyor İftixar Piriyevlə bağlı məhkəməyə xüsusi ittiham qaydasında edilən müraciət üzrə qərar verilib.
Kulis.az APA-ya istinadən xəbər verir ki, Mədəniyyət Nazirliyinin əməkdaşı, Teatr sektorunun müdiri Vəfa Novruzovanın İftixar Piriyevlə bağlı Binəqədəi Rayon Məhkəməsinə xüsusi ittiham qaydasında etdiyi şikayətə baxılıb.
Binəqədi rayon məhkəməsində keçirilən prosesdə qərar qəbul olunub. Qərara əsasən, İ.Priyevlə bağlı başlanmış icraata xitam verilib. O, iddiada qeyd olunan əməldə təqsirli bilinsə də, iş üzrə cinayət məsuliyyətinə cəlb etmənin müddəti bitdiyi üçün işə xitam verilməsinə qərar verilib.
Qeyd edək ki, Vəfa Novruzova İftixar Piriyevin sosail şəbəkə hesabında onu təhqir etdiyini iddia edib.
O, İ. Piriyevin Cinayət Məcəlləsinin 147-ci (böhtan) və 148-ci (təhqir) maddələrinə əsasən məsuliyyətə cəlb edilməsini istəyib.
Xatırladaq ki, İ.Piriyev bir neçə ay əvvəl İrəvan Dövlət Azərbaycan Dram Teatrının direktoru vəzifəsindən azad edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər