“Səpələnmiş ölümlər arasında”, “Balıqlara xütbə” kimi filmləri ilə nüfuzlu beynəlxalq festivallarda bir neçə mükafat qazanmış rejissor Hilal Baydarovun “Daş üstündə daş” adlıyeni tammetrajlı film layihəsi 31-ci Sarayevo Film Festivalı çərçivəsində keçirilən “CineLink” Birgə İstehsal Bazarında təqdim olunacaq.
Kulis.az xəbər verir ki, bundan əvvəl “Xurmalar yetişəndə” filmi ilə 25-ci Sarayevo kinofestivalında “Ən yaxşı sənədli film” nominasiyasında “Sarayevonun ürəyi” (Heart of Sarajevo) mükafatını qazanmış Hilal Baydarov bu dəfə festivala “Daş üstündə daş” adlı yeni dramı ilə qayıdır.
Xatırladaq ki, bu il CineLink Industry Cənub-Şərqi Avropadan inkişaf mərhələsində olan doqquz perspektivli bədii film layihəsi seçib. Bu layihələr 16–20 iyun tarixlərində baş tutacaq CineLink Workshop-da iştirak edəcəklər.
Hilal Baydarov və Georg Tillerin müəllifi olduğu “Daş üstündə daş” filmi çürüməkdə olan bir tikinti sahəsində yaşayıb-işləyən gənc cütlüyün həyatından bəhs edir. Onlar doğulmamış övladları üçün ümidli bir gələcək qurmağa çalışsalar da, yoxsulluq və istismar torunda ilişib qalıblar.
Qeyd edək ki, Avstriya və Azərbaycanın ortaq istehsalı olan ”Daş üstündə daş” filmi “Subobscura Films” və “Ucqar Film” tərəfindən istehsal olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər