“Həyat, deyəsən, gözəldir” filmi nümayiş olunacaq

“Həyat, deyəsən, gözəldir” filmi nümayiş olunacaq
15 sentyabr 2023
# 10:08

Sentyabrın 20-də "Ganjlik Mall” ticarət mərkəzində yerləşən "CinemaPlus” kinoteatrında tanınmış rejissor, Azərbaycanın Xalq artisti Vaqif Mustafayev və "Həyat, deyəsən, gözəldir” filminin aktyorlarının iştirakı ilə qala gecəsi keçiriləcək.

Kulis.az xəbər verir ki, sentyabrın 21-dən “CinemaPlus” kinoteatrlar şəbəkəsində tamaşaçılar Vaqif Mustafayevin “Həyat, deyəsən, gözəldir” tragikomediyasına Azərbaycan dilində baxa biləcəklər.

Ekran əsəri Azərbaycanın Mədəniyyət Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında çəkilib.

Film beynəlxalq miqyasda ilk dəfə 2022-ci il noyabrın 4-də “Korkut Ata” türk dünyası kinofestivalında nümayiş olunub, burada Vaqif Mustafayev “Türk dünyasının ən yaxşı rejissoru” nominasiyasında mükafata layiq görülüb.

“Həyat, deyəsən, gözəldir” filmi Azərbaycan torpaqlarının 30 illik erməni işğalı dövrü və Azərbaycanın 44 günlük Vətən müharibəsində Qələbəsindən bəhs edir. Süjetin mərkəzində Azərbaycan Ordusunun əks-hücumundan sonra vəlvələyə düşən erməni əsgərlərinin arasında olan və əsir düşən iki erməni qardaşdır. Onların sonrakı taleyi tragikomediya janrında təqdim olunub və bu ekran əsərinin leytmotivini təşkil edir.

Filmin ssenari müəllifi Vaqif Mustafayevdir. Baş rollarda Hikmət Rəhimov, Nino Qomarteli, Dmitri Samxaradze, Qiorqi Çeliya, Aftandil Maxaradze, Sevinc Əliyeva, Anaida Rostovskaya və digərləri çəkilib.

Filmin çəkilişləri Xocavənd rayonunun Hadrut qəsəbəsində, Xızı rayonunda, Bakı və Abşeron yarımadasında aparılıb.

Biletləri www.cinemaplus.az saytında, “Ganjlik Mall” kinoteatrının kassalarında və “CinemaPlus” mobil tətbiq vasitəsilə əldə etmək olar.

# 2245 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #