Elvis-Priskilla Presli cütlüyünün yeganə qızı Lisa Mari Presli Kalabasasdakı evində infarkt keçirdikdən sonra xəstəxanaya yerləşdirilib, lakin müdaxilələrə baxmayaraq, 12 yanvar 2023-cü ildə vəfat edib.

Kulis.az xəbər verir ki, 54 yaşında dünyasını dəyişən Liza Mari Preslinin qızı Rayli Kio anasının xatirələrini özündə əks etdirən "Böyük naməluma" kitabı ilə gündəmə gəlib.

"People" jurnalına müsahibə verən 35 yaşlı Rayli Kio deyib:

"Anam Elvis Preslinin qızı olduğu üçün hər zaman onun haqqında danışılırdı. Xatirələrini tamamlamaqda məqsədim onun, həqiqətən, kim olduğunu üzə çıxarmaq idi".

Lisa Mari Presli bir neçə il əvvəl bariatrik əməliyyat keçirdikdən sonra nazik bağırsaq tıxanıqlığından yaranan fəsadlar səbəbilə dünyasını dəyişib.

Lakin Preslinin qızı anasının ölümünün bundan qaynaqlandığını düşünmür.

Kio anasının qardaşı Benjaminin 2020-ci ildə 27 yaşında ikən intihar etməsindən sonra oğlunun yoxluğuna dözməyib öldüyünü düşünür:

"Anam Benjamin öldükdən sonra mənə və bacılarıma əlindən gələni etdi, lakin biz onun ağrılarını bilirdik. Anam əməliyyatın yan təsirlərindən fiziki olaraq öldü, ancaq mənəvi olaraq çoxdan ölmüşdü".

Ülvi Bahadır

• Hökümə Əliyeva haqqında film çəkilib
• Şapkamı geyinən - Mövlud Süleymanlının hekayəsi
• "Prison Break" serialı yenidən çəkiləcək