Dünya şöhrətli yapon rəssam və heykəltəraş Yayoi Kusama 97 yaşında vəfat edib.
Kulis.az xəbər verir ki, sənətçinin vəfatı ilə bağlı yayımlanan bəyanatda onun son günlərinədək fırçasını əlindən yerə qoymadığı, əbədi sevgini və ruhu çəkməyə davam etdiyi bildirilib.
1929-cu ildə Yaponiyanın Matsumoto şəhərində anadan olan Kusama 1958-ci ildə Nyu-Yorka köçərək avanqard incəsənət aləminə damğasını vurub.
O, özünəməxsus böyük xallı naxışları, nəhəng psixodelik installyasiyaları, fallik formalı heykəlləri və məşhur güzgülü sonsuzluq otaqları ilə tanınıb.
Yaradıcılığı ilə Endi Uorhol daxil olmaqla bir çox görkəmli sənətçiyə təsir edən Kusama 1977-ci ildə Yaponiyaya qayıdaraq öz istəyi ilə psixiatriya klinikasında məskunlaşıb və ömrünün sonunadək orada yaşayıb-yaradıb.
Karyerası ərzində sosial etirazları, aksiyaları və ziddiyyətli çıxışları ilə də diqqət çəkən rəssam ömrünün son illərində "Louis Vuitton" kimi məşhur moda brendləri ilə əməkdaşlıq edib.
Yaşayan qadın rəssamlar arasında hərrac satışlarında rekordlara imza atan Kusama 2016-cı ildə Yaponiyanın ən nüfuzlu mükafatlarından olan "Mədəniyyət Nişanı"na layiq görülmüşdü.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər