Qazaxıstan Yazıçılar Birliyinin sədri: "Azərbaycan işğal edilən torpaqlarını azad edir"

Qazaxıstan Yazıçılar Birliyinin sədri: "Azərbaycan işğal edilən torpaqlarını azad edir"
2 noyabr 2020
# 15:25

Qazaxıstan Yazıçılar Birliyinin rəhbəri Uluğbek Esdevletin Azərbaycanın hərb və siyasət meydanındakı irəliləyişi ilə bağlı fakir bildirib.

Kulis.az xəbər verir ki, bu barədə Dünya Gənc Türk Yazarlar Birliyindən məlumat verilib. Bildirilib ki. qardaş ölkənin şair və yazıçılarını birləşdirən ən böyük və qocaman təşkilatın başçısı, görkəmli şair Uluğbek Esdevlet belə deyib:

“Azərbaycan xalqı bizim qandaşımız, dildaşımız, əqrəbamızdır. Biz, şair və yazıçılar olaraq, gəncliyimizdən bu yana Azərbaycanın da şair və yazıçıları ilə dost olduq... 25 ildir ki, Qazaxıstan Xarici işlər Nazirliyinin UNESCO Ədəbi əlaqələr bölümünə rəhbərlik edirəm. O dönəm diplomatiya təhsili üçün Ankaraya getdim. Orada bir qrup azərbaycanlı məsləkdaşımızla birlikdə təlim-təhsil seminarına qatıldıq. Təlim-təhsilin sürdüyü ilk üç ya da dörd seminarda Ermənistan-Azərbaycan çatışması ilə bağlı ətraflıca bilgi qazandım. Mövzunu daha sonra da araşdırdım. Bilinən odur ki, Ermənistan Azərbaycan torpaqlarının yüzdə 20-ni işğal etmişdir. O torpaqlarda yaşayan Azərbaycanlılar isə məcburi köçkün olmuşdur. İllər sonra, TÜRKSOY-un təşəbbüsü ilə, Azərbaycanın böyük şairi Molla Pənah Vaqifin şeirlərini qazaxcaya çevirdim. Vaqif eşqin şairidir; eyni zamanda, dərin fəlsəfə sahibidir. Onun şeirlərini qazaxcaya çevirərkən, həyatını da incələdim.

Molla Pənah Vaqif Qarabağ xanlığında vəzirlik etmiş bir şairdi. Yəni, sadə bir həqiqət çıxır ortaya: Orta çağda Qarabağ Azərbaycanındı, orda Azərbaycanın xanlığı vardı. Vaqifin şeirlərini çox bəyəndim, sevərək, ilhamla tərcümə etdim. Vaqifin şeirlərinin dünya dillərində çap olunan kitablarda mənim də tərcümələrim yer alıb. Şairin 300 illik yubileyinin Bakıda keçirilən təntənəli tədbirdə iştirak edərək onun şeirlərini qazaxca oxudum. Dili çox yaxın olduğundan Vaqifin şeirlərinin çevrilməsi də çox keyfiyyətli oldu. Fərq etdiyim o ki, 300 il öncəki türkcə qazaxcaya çox yaxındır. Bəli, bu gün Azərbaycan işğal edilən torpaqlarını azad edir. Bu, Azərbaycanın öz torpaqlarını özünün azad etməsidir. İndiki nəsil kəndləri, yaşayış məntəqlərini işğaldan qurtarmağı öz vəzifəsini yerinə yetirmək kimi görür. Mən belə qəbul edirəm ki, Azərbaycanın öz torpaqlarını azad etməsi, indiki nəslin əcdadları qarşısındakı borcunu ödəməsidir. Mən Azərbaycan xalqına xoşbəxtlik, əmin-aman günlər və ədalətli barış diləyirəm”.

# 3165 dəfə oxunub

Oxşar xəbərlər

"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Emir Kusturitsa: "Putinlə söhbət  mənim üçün böyük yaradıcılıq ilhamı oldu"

Emir Kusturitsa: "Putinlə söhbət mənim üçün böyük yaradıcılıq ilhamı oldu"

11:57 21 noyabr 2026
Xalq rəssamının oğlu vəfat etdi

Xalq rəssamının oğlu vəfat etdi

11:27 21 noyabr 2026
“Kəlağayı bayramı”   keçiriləcək

“Kəlağayı bayramı” keçiriləcək

11:26 21 noyabr 2026
Sürrealizmin məşhur tablolarından biri - Rene Maqritin "Saxta güzgü"sü

Sürrealizmin məşhur tablolarından biri - Rene Maqritin "Saxta güzgü"sü

10:58 21 noyabr 2026
Ana səhifə Reels Yazarlar Xəbərlər