“Sizin dünyanızda üç şeyi sevdim” - Məhəmməd Peyğəmbərin qadınlar haqda dedikləri

“Sizin dünyanızda üç şeyi sevdim” - Məhəmməd Peyğəmbərin qadınlar haqda dedikləri
8 iyun 2021
# 14:02

Bu gün - 8 iyun Vikipedia və digər mənbələrdə Məhəmməd Peyğəmbərin anım günü kimi qeyd edilir. Kulis.az bu münasibətlə İslam Peyğəmbərinin qadınlar haqqında dediklərini təqdim edir.

“Cənnətlik qadınlar kimlərdir? Onlar sevən və doğan qadınlardır. Xəta etdiyi zaman əlini ərinin əlinin üzərinə qoyar və deyər: “Məndən razı olmayınca yatmayacağam” (Təbarani, Səhihdir)

***

“Qiyamət günü insanlar arasında Allahın nəzərində ən çirkin kişi və qadın öz həyat yoldaşları ilə cinsi əlaqədən həzz aldıqdan sonra onlardan biri gedib digərlərinə öz cinsi əlaqələri haqqında danışanlardır” (Səhih Müslim, Nigah kitabı)

***

“Ərləri yanında olmayan qadınların evlərinə girməyin. Şübhəsiz şeytan hər birinizin damarlarında qanın dolaşdığı kimi dolaşır. Dedilər ki: “Sənin də mi ey Allahın Rəsulu?” Buyurdu: “Bəli, mənim də. Lakin Allah mənə kömək etdi və o, müsəlman oldu” (Buxari, Müslim, Tirmizi)

***

Özümdən sonra kişilər üçün qadından daha zərərli fitnə buraxmadım. (Səhih Buxari və Müslim, Tirmizi, İbn Macə, Nəsai və başqaları)

***

Əbu Hureyrə rəvayət edir ki: “Rəsulullah (s.ə.s) kişi paltarı geyinən qadınlara, qadın paltarı geyinən kişilərə, özünü kişilərə bənzədən qadınlara və özünü qadınlara bənzədən kişilərə lənət etdi”. (Səhih Buxari, Əbu Davud, Tirmizi və başqaları)

***

“Ümmətimin son hissəsində elə qadınlar olacaq ki, onlar geyinmələrinə baxmayaraq çılpaq kimi görünəcəklər, onlar yollarını azmışlar və digərlərini də sapdıracaqlar. Lənət olsun onlara, onlar lənətlənmişlər. Onlar cənnətə girməyəcək, heç qoxusunu da hiss etməyəcəklər. Halbuki onun qoxusu filan-filan məsafədən hiss edilir”. (Səhih Buxari və Müslim)

***

“Parik taxana və taxdırana, qaş alana və aldırana, döymə (tatuirovka) edənə və etdirənə lənət olsun!”. (Səhih Buxari və Müslim, Əbu Davud və başqaları)

***

“Ey insanlar! Qadınlarınızı ətirlənməyə (bu halda çölə çıxmağa) icazə verməyin, çünki şübhəsiz İsrailoğullarının qadınları ətirlənərək məscidlərə çıxmaları səbəbilə lənətləndilər”. (Tirmizi, Əbu Davud, Nəsəi, Əhməd)

***

“Hər hansı bir qadın səbəbsiz olaraq ərindən özünü boşatmasını istərsə, Cənnət ona haram olar”. (Tirmizi, Əbu Davud, İb Macə)

***

“Qadınlar haqqında Allahdan qorxun! Çünki onlar sizin yanınızda yardımçılardır. Allahın kitabı ilə onları özünüzə halal qıldınız və onları əmanət olaraq aldınız. Onları döyməyin. Əgər döyərsəniz, incidici şəkildə döyməyin! Sizin xeyirliləriniz qadınlarınıza qarşı xeyirli olanlarınızdır. Şərliləriniz də qadınlarınıza qarşı şərli olanlardır. Mən qadınlarıma qarşı ən xeyirli olanınızam”. (İbn Macə, Tirmizi)

***

Qays qəbiləsindən biri soruşdu: “Zövcəmim mənim üzərimdə haqqı nədir? Rəsulullah (s.ə.s) dedi: Yediyindən yedirmən, geyindiyindən geyindirmən, üzünə vurmaman və ona “Çirkinsən!” deməmən, (ədəbləndirmək üçün) yatağını ayırdığın zaman yalnız evin içində ayırmandır”. (Əbu Davud, İbn Macə)

***

“Əgər bir insanın başqa bir insana səcdə etməsini əmr etsəydim, qadının ərinə səcdə etməsini əmr edərdim. Məhəmmədin canı əlində Olana and içirəm ki, qadın ərinin haqqını ödəməyincə Rəbbinin haqqını ödəyə bilməz. Əgər əri zövcəsi ilə cinsi əlaqədə olmaq istəsə, qadın dəvənin üstündə olsa belə, enib onun arzusunu yerinə yetirməli və bu işi ondan mən etməməlidir”. (Əhməd, İbn Macə, səhihdir)

***

Qadınlar övrətdən və danışıqdan ibarətdir. Onların danışığını sükutla, övrətini evlə örtün.

***

Sizin dünyanızda 3 şeyi sevdim: gözəl ətri, gözəl qadınları, gözümün işığı namazı.

***

Övladlarınız arasında oğlanla qıza fərq qoymayın. Fərq qoymaq lazım olsaydı, mən qızları seçərdim.

# 9696 dəfə oxunub

Oxşar xəbərlər

“Əsrlərin sədasında xalça sehri” sərgilənəcək

“Əsrlərin sədasında xalça sehri” sərgilənəcək

18:30 19 avqust 2025
Ceyk Qaylenhal və Kevin Kostner eyni layihədə

Ceyk Qaylenhal və Kevin Kostner eyni layihədə

18:20 19 avqust 2025
Şair Məmməd İsmayıl vəfat etdi

Şair Məmməd İsmayıl vəfat etdi

16:10 19 avqust 2025
Narkozdakı qadının çılpaq videosunu paylaşan “həkim” rüsvayçılığı - “Dost” Estetik Mərkəzindən xəstəyə düşmən münasibət

Narkozdakı qadının çılpaq videosunu paylaşan “həkim” rüsvayçılığı - “Dost” Estetik Mərkəzindən xəstəyə düşmən münasibət

15:54 19 avqust 2025
Rəsulzadənin istinad etdiyi, "sənət həyat üçündür" prinsipinə əməl edən  şair - Onun əsərləri niyə  qadağan edilmişdi?

Rəsulzadənin istinad etdiyi, "sənət həyat üçündür" prinsipinə əməl edən şair - Onun əsərləri niyə qadağan edilmişdi?

15:10 19 avqust 2025
"Sunday Times”ın  “yolundan çıxmış saf pornoqrafiya” adlandırdığı roman - "Lolita"nın çap  macəraları...

"Sunday Times”ın “yolundan çıxmış saf pornoqrafiya” adlandırdığı roman - "Lolita"nın çap macəraları...

15:00 19 avqust 2025
Ana səhifə Yazarlar Bütün xəbərlər