Bred Pittdən yeni layihə - Tanınmış rejissorlarla

Media

Ana səhifə
Media

Bred Pittdən yeni layihə - Tanınmış rejissorlarla

23 sentyabr 2026

10:40

Kventin Tarantinonun "Once Upon a Time... in Hollywood" filminin davamı kimi çəkilən "The Further Mis-Adventures of Cliff Booth" layihəsinin ilk treyleri yayımlanıb.

Kulis.az xəbər verir ki, ekran işinin ssenarisi Tarantinoya aid olsa da, rejissor kreslosunda Devid Finçer əyləşib.

Filmdə Bred Pitt ona "Oskar" qazandıran Kliff But obrazına yenidən həyat verir.

Hadisələr ilk filmin finalından səkkiz il sonra cərəyan edir və dublyorluqdan uzaqlaşan Kliff Hollivud studiyalarının problemlərini həll edən şəxs kimi fəaliyyət göstərir.

Lakin təqdim olunan treyler məzmunundan daha çox görüntülərinin həddən artıq qaranlıq və dumanlı olması ilə gündəmə gəlib.

Sosial media istifadəçiləri ilk filmin isti, qızılı Kaliforniya atmosferindən sonra Finçerin soyuq, yaşıl-sarı tonlu və kölgəli kadrlarını tənqid ediblər.

Qeyd edək ki, film noyabrın 25-də “IMAX” salonlarında iki həftəlik məhdud nümayişə çıxacaq, dekabrın 23-dən isə "Netflix" platformasında yayımlanacaq.