Vaqif Sultanlının "Səhra savaşı" romanı Serbiyada nəşr olunub.
Kulis.az xəbər verir ki, romanı serb dilinə Semra Bayat və Suzana Byelitza tərcümə edib.
"Asiya ədəbiyyatı kitabxanası" seriyası ilə yayımlanan kitabın redaktoru Diana Yovanoviçdir. Roman tanınmış yazıçı-publisist və dilçi Corce Otaşeviçin təşəbbüsü ilə Serbiyanın “xalq kitabxanaları”nın ortaq layihəsi əsasında nəşr edilib.
İlk dəfə 2013-ci ildə Azərbaycan oxucularına təqdim olunan roman indiyədək dünyanın bir sıra dillərinə çevrilmiş, Amerika Birləşmiş Ştatları, Böyük Britaniya, Türkiyə, Rusiya, Ukrayna, İran və başqa ölkələrdə nəşr edilib.
Qeyd edək ki, Vaqif Sultanlının yaradıcılığında xüsusi yer tutan və şərti-metafоrik üslubda qələmə alınmış rоmanda təsvir olunan hadisə və əhvalatlar gələcəkdən imtina edərək keçmişə dönən qəhrəmanın taleyi fonunda əks etdirilir.
Romanda bəşəriyyətin keçib gəldiyi tarixin ənənəvi səpkidə deyil, tərs müstəvidə canlandırılması müəllifə insan və dünya haqqında fəlsəfi düşüncələrini bütün yönlərilə canlandırmağa imkan verir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər