Şuşa qalasına həsr olunmuş virtual sərgi açıldı

Şuşa qalasına həsr olunmuş virtual sərgi açıldı
14 oktyabr 2020
# 18:52

Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə oktyabrın 12-də tanınmış rəssam, Əməkdar incəsənət xadimi Elturan Avalovun Şuşa qalasına həsr olunmuş virtual sərgisi açılıb.

Kulis.az-ın Nazirliyin saytına istinadən verdiyi xəbərə görə, ordumuzun tarixi ərazilərimizin azad edilməsi uğrunda qazandığı qələbələrə ithaf edilən sərgi eyni zamanda Ermənistanın işğalı altındakı doğma torpaqlarımızda maddi-mədəni irsimizi ictimaiyyətin diqqətinə yenidən çatdırmaq məqsədilə daşıyır.

Ekspozisiyada Elturan Avalovun bir vaxtlar küçələrində gəzib-dolaşdığı Şuşa şəhərinin evlərini, məhəllələrini, tarixi məscid və meydanlarını təsvir etdiyi qrafik işləri nümayiş olunur. Rəssamın kağız və tuşla müxtəlif illərdə çəkdiyi qədim Şuşanın mənzərələri virtual sərginin izləyiciləri tərəfindən böyük maraqla qarşılanır.

Tamaşaçı bir anlıq muğam-sənət beşiyinin “Turşsu qalereyası”, “Torpaq meydanı”, “Xan Şuşinskinin evi”, “Çuxur məhəlləsi”, “Süleyman Ələsgərovun evi”, “Seyidli məhəlləsi”, “Xoca Mərcanlı” və “Hacı Yusifli” məhəllələrinin, “Aşağı Gövhər Ağa məscidi” və ətraf məhəllələr, “Tacir Məşədi Tağının evi”, “Gəncə darvazası” kimi qrafik əsərlərə köçmüş keçmişini vərəqləyir. İzlədikcə düşmən tapdağında gözü yolda qalan mədəni irsimizin sanki harayını eşidirik.

Sərgilənən əsərlərin hər birində Qarabağ memarlığı, Şuşa elitasının yaşam tərzi, mədəni və etnoqrafik zənginliyinin şahidi olursan. Yaşayış binalarının möhtəşəm estetik interyeri, hətta bulaqların belə bir memarlıq əsəri olduğunu gördükcə maddi mədəni irsimizə göz dikən barbar ermənilərin nədən bu torpaqlardan bərk yapışdığı bəlli olur.

Virtual sərgiyə çoxsaylı rəylər də yazılıb. Rəylərdə Ordumuzun qələbə qazanacağına, bütün torpaqlarımızın işğaldan azad olunacağına böyük inam ifadə olunub.

# 2970 dəfə oxunub

Oxşar xəbərlər

Məşhur cütlüyün qızı ilk dəfə baş rolda

Məşhur cütlüyün qızı ilk dəfə baş rolda

18:00 22 iyul 2025
“Çarpıntı”nın  çəkilişləri başladı

“Çarpıntı”nın çəkilişləri başladı

17:30 22 iyul 2025
Türk Dünyası Kino Rəhbərlərinin II Görüşü keçirildi

Türk Dünyası Kino Rəhbərlərinin II Görüşü keçirildi

17:09 22 iyul 2025
Bakıda musiqiçini maşın vurub öldürdü

Bakıda musiqiçini maşın vurub öldürdü

16:03 22 iyul 2025
İslamdan imtina, ruslaşdırma və missionelik - Mirzə Kazım bəy xristianlığı necə qəbul etmişdi?

İslamdan imtina, ruslaşdırma və missionelik - Mirzə Kazım bəy xristianlığı necə qəbul etmişdi?

15:00 22 iyul 2025
İlbər Ortaylı  qəzaya düşdü

İlbər Ortaylı qəzaya düşdü

14:01 22 iyul 2025
#
#
# # #