Beynəlxalq Türk Mədəniyyəti Təşkilatı (TÜRKSOY) tanınmış şair və publisist, Azərbaycanın Qırğızıstandakı səfiri Hidayət Orucovun “Gün aydın türk dünyası” adlı şeirlər toplusunu nəşr edib.

Topluda şairin seçmə şeiri cəmləşib.

Azərbaycan, türk, qazax, qırğız, özbək, türkmən və rus dillərində çap edilən kitabı nəşrə Hocagəldi Kultegin hazırlayıb.

Kitabda şair Hidayətin “Didərginlər”, “Bir qoşun əzrail”, “Köçmüş dağ kəndinin nəğməsi”, “Vətən” və s. şeirləri toplanıb. Adlardan da göründüyü kimi şair xalqının və vətəninin yaşadığı məşəqqətli hadisələri poeziya yaradıcılığı ilə nəsillərə çatdırır. “Didərginlər” şeiri təcavüzkar Ermənistan dövlətinin bu ölkənin vətəndaşı, yaşadıqları torpaqların ən qədim sakinləri olan soydaşlarımızın öz əzəli ata-baba yurdlarından deportasiyasını təsvir etdiyi kimi “Bir qoşun əzrail” isə 20 Yanvar faciəsinin amansızlığını əks etdirir.

TÜRKSOY-un Baş katibi Düsen Kaseinov kitaba yazdığı “Ön söz”də şair Hidayəti 75 yaşı münasibətilə səmimi qəlbdən təbrik edərək əminliklə ifadə edib ki, o, bundan sonrakı yaradıcılığında da türk dünyası ədəbiyyatının inkişafına töhfələr verəcəkdir.

Ümumiyyətlə qeyd etmək lazımdır ki, Hidayət Orucovun bədii yaradıcılığında Ermənistanın Azərbaycana qarşı işğalçılıq siyasətinin acı nəticələri, xalqımıza qarşı həyata keçirilən davamlı deportasiyalar, məruz qaldığımız təcavüzün ayrı-ayrı formaları ana xətt kimi qorunur./azertag.az/

• "İnsanın içində öldürdüyü uşaq" - Rüstəm Dastanoğlu
• Repressiyadan qaçıb Bakıya sığınan sənətkar - Tacir yanında işləyən oğlan necə Xalq artisti oldu?
• Bülbül: Muğamla Avropa vokal musiqisini birləşdirən ifaçı