Qarabağa ilk gedən məşhurların səfər təəssüratı

Media

Ana səhifə
Media

Qarabağa ilk gedən məşhurların səfər təəssüratı - Fotolar

30 dekabr 2020

15:01

Azərbaycanın tanınmış sənət adamları 27-28 il sonra işğaldan azad olunmuş torpaqlara səfər ediblər.

Kulis.az həmin məşhurların Qarabağ səfərindən olan fotolarını təqdim edir.

Xalq artisti Aygün Kazımova: "Şuşada bir üzümüz güldü, bir üzümüz kədərləndi. İgidlərimizi görüb qürurlandıq, şəhidlərimizi anıb hüzünləndik. Bu torpağa yenidən ayaq basdığımız üçün isə bir daha xalqımızla, dövlətimizlə və ordumuzla fəxr etdik”

Xalq artisti Zülfiyyə Xanbabayeva: “Şuşadayam! Kəlmələrlə ifadə edə bilmədiyim hisslər keçirirəm! Allahım, şükürlər olsun! Bu günlər də bizə qismət oldu!”

Xalq artisti Tünzalə Ağayeva: “Fantastik hisslər yaşayıram. Hansı ki, sözlərlə ifadə etmkə olmur. Nəhayət uzun illər sonra musiqi mədəniyyət beşiyimiz Şuşada oldum. Gövhər Ağa Məscidində Vətənimiz üçün, şəhidlərimizin ruyuna dualar oxuduq.”

Xalq artisti Aygün Səmədzadə: "Təsəvvüründə olan dəyişsə belə insan sevdiyini öz içində yaratdığı kimi sevəcək. Uşaqlıqdan "Cənnətim Qarabağ" eşitdik, görməsək də sevdik, görmək indi nəsib olur yavaş-yavaş... Cənnət təsviri bambaşqa olsa da, bu gün qurumuş ocaqları, kəsilmiş ağacları, ağrıyan torpağı, silsilə xərabəliklərilə yenə də Cənnətdir Qarabağ, Nəğmələr gülüstanıdır. Parlayacaq... Çünki Ruhu var. Həm də Qalib.”

Xalq artisti Mənsum İbrahimov: "Doğma Ağdamımızı ziyarət etdim. Şükür qovuşdurana. 27 illik həsrətdən sonra ilk dəfə Ağdam məscidində azan oxudum”