"Jeko Print” Çap Evi tərəfindən Aydın Balayevin "Məhəmməd Əmin Rəsulzadə və XX əsrin başlanğıcında Azərbaycan millət-dövlətinin yaranması” kitabı nəşr olunub.

Kulis.az xəbər verir ki, kitabda müəllifin Londonda çıxan "Caucasus Survey” dərgisinin 2015-ci il 2-ci sayında işıq üzü görmüş və M.Ə. Rəsulzadənin XX əsrin başlanğıcında Azərbaycan milli dövlətçiliyinin yaranmasındakı roluna həsr edilmiş məqaləsinin Azərbaycan və rus variantları orijinal mətn ilə birlikdə oxuculara təqdim olunur.

Millətin formalaşması çoxları tərəfindən hələ də kortəbii proses kimi qəbul olunur. Əslində isə, intellektual elitanın formalaşdırdığı milli ideologiya olmadan, millətin təşəkkülü mümkünsüzdür. Bir qayda olaraq, millətin xəyali surət və görünüşü, eləcə də milli maraqlar konsepsiyası məhz bu məhdud çevrədə müzakirə olunaraq ortaya çıxır, daha sonra isə geniş kütlələrə ötürülür. Ziyalılar tərəfindən hazırlanan və milli maraqların ifadə forması olan millətçilik (milli ideologiya), faktiki olaraq "millət quruculuğu” layihəsidir.

• "Daha uşaq deyiləm, dəyişə bilmərəm..." - Hansı qorxular bizə sərhəd çəkir?
• "Bu savaşda hər yazıçı öz atasını “öldürür” - Harold Blumun ən böyük dərsi nə idi?
• Məmməd Arazın unudulan Fransa səfəri - O, Topçubaşovun oğluna hansı misraları yazmışdı?

Təsadüfi deyil ki, Avropa millətlərinin formalaşmasında siyasətçilər, şairlər, sənət¬çilər, jurnalistlər, tarixçilər və dilçilər önəmli rol oynayıblar. Məsələn, Robert Berns və Valter Skott – şotland, Hans Xristian Andersen və Bertel Torvaldsen – Danimarka, Frederik Şopen, Adam Mitskeviç və Henrik Senkeviç – polyak, Cüzeppe Madzini – italyan, Şiller, Göte və Herder – alman millətinin formalaşmasına böyük təsir göstəriblər.

Bu mənada, milli ideologiyamız olan azərbaycançılığın banisi M. Ə. Rəsulzadə, XX əsrin başlanğıcında Azərbaycanda gedən millətləşmə proseslərində həlledici rol oynamışdır. Kitabda M.Ə. Rəsulzadənin məhz bu istiqamətdəki fəaliyyətindən bəhs edilir. /anews.az/

• "Daha uşaq deyiləm, dəyişə bilmərəm..." - Hansı qorxular bizə sərhəd çəkir?
• "Bu savaşda hər yazıçı öz atasını “öldürür” - Harold Blumun ən böyük dərsi nə idi?
• Məmməd Arazın unudulan Fransa səfəri - O, Topçubaşovun oğluna hansı misraları yazmışdı?