Frans Kafkanın ikicildliyi Avstriyanın səfirinə hədiyyə olundu

Frans Kafkanın ikicildliyi Avstriyanın səfirinə hədiyyə olundu
5 may 2021
# 18:31

Frans Kafkanın ikicildliyi Avstriyanın səfirinə hədiyyə olundu.

Dövlət Tərcümə Mərkəzindən Kulis.az-a verilən xəbərə görə, mayın 5-də Avstriyanın Azərbaycanda fövqəladə və səlahiyyətli səfiri cənab Bernd Aleksandr Bayerl Dövlət Tərcümə Mərkəzində olub.

Görüş zamanı Mərkəz tərəfindən müxtəlif illərdə Azərbaycan dilində ərsəyə gətirilmiş dünya ədəbiyyatı nəşrləri, xüsusən Avstriya ədəbiyyatı nümunələri ətrafında fikir mübadiləsi aparılıb.

Bernd Aleksandr Bayerl görüş zamanı fikirlərini bölüşüb:

“Mərkəz tərəfindən Avstriya ədəbiyyatına ayrılan diqqətdən hər zaman qürur hissi duyuruq. Yaxın günlərdə işıq üzü görmüş Frans Kafkanın ikicildlik “Seçilmiş əsərləri” isə xüsusi hadisədir. Kafkanın Azərbaycanda ilk nəşrini də, bildiyim kimi, 90-cı illərdə Tərcümə Mərkəzi ərsəyə gətirib. Bu dəfə isə Kafkanın əsərlər külliyyatının ikicildliyi nəşr olunub. Kitabın belə peşəkar səviyyədə nəfis tərtibdə Azərbaycanda işıq üzü görməsi məni, hər şeydən əvvəl Kafkanın bir oxucusu, Kafka yaradıcılığının pərəstişkarı kimi çox təsirləndirdi. Avstriya səfirliyi olaraq, Dövlət Tərcümə Mərkəzi ilə birlikdə ikicildliyin təqdimatını təşkil etməyi düşünürük. Biz bu ikicildliyin daha böyük auditoriyalara çıxışı və təbliği üçün öz təkliflərimizi də verəcəyik. Mərkəzə, Siz başda olmaqla, dərin minnətdarlığımızı bildiririk və Avstriya–Azərbaycan ədəbi mübadilələrinin genişləndirilməsi istiqamətində hər zaman əməkdaşlığa hazırıq”.

Görüşün sonunda qonağa Mərkəzin “Dünya ədəbiyyatı inciləri” seriyasından işıq üzü görmüş ilk nəşr – məşhur Avstriya yazıçısı Frans Kafkanın Azərbaycan dilinə tərcümə və nəşr edilmiş əsərlərinin, gündəlik və müsahibələrinin toplandığı ikicildlik “Seçilmiş əsərləri” kitabı hədiyyə edilib.

# 1101 dəfə oxunub

Oxşar xəbərlər

Qonaqlıq - Günün lətifəsi

Qonaqlıq - Günün lətifəsi

09:00 13 iyul 2024
Ulucay Akif yazı müsabiqəsində qalib oldu

Ulucay Akif yazı müsabiqəsində qalib oldu

13:15 12 iyul 2024
"Eurovision-2025" keçirilməyə bilər - İsveçrə müsabiqədən imtina edir

"Eurovision-2025" keçirilməyə bilər - İsveçrə müsabiqədən imtina edir

11:16 12 iyul 2024
Çiyələk - Günün lətifəsi

Çiyələk - Günün lətifəsi

09:00 12 iyul 2024
Sevil Festivalı çərçivəsində "Hələlik, Tiberiya" filmi nümayiş edildi

Sevil Festivalı çərçivəsində "Hələlik, Tiberiya" filmi nümayiş edildi

18:36 11 iyul 2024
"Erməni komendant bu mahnıya görə atamı yataqxanadan qovmuşdu" - Güldəstə Nəsibova

"Erməni komendant bu mahnıya görə atamı yataqxanadan qovmuşdu" - Güldəstə Nəsibova

14:30 11 iyul 2024
# # #