İngilisdilli ədəbiyyat dünyasının ən nüfuzlu təltiflərindən sayılan "Buker" (Booker Prize) mükafatının 2026-cı il üçün qısa siyahısı elan olunub.

Kulis.az xəbər verir ki, builki 6 kitablıq siyahıda iki keçmiş qalib, bir dəfə qısa siyahıya düşmüş müəllif və mükafatda ilk dəfə iştirak edən üç yeni yazıçı yer alıb.

Münsiflər heyətinə məşhur yazıçı və klassik ədəbiyyat mütəxəssisi Meri Börd sədrlik edir. Ondan başqa komitədə mükafatlı şair Reymond Antrobus, musiqiçi və yazar Carvis Koker, jurnalist Rebekka Liu və əvvəllər "Buker"in qısa siyahısına düşmüş yazıçı Patrisiya Lokvud yer alır. Qısa siyahı Birləşmiş Krallıq və İrlandiyada 1 oktyabr 2025 – 30 sentyabr 2026-cı il aralığında nəşr olunmuş 163 müraciət arasından seçilən 13 kitablıq "Buker onüçlüyü"ndən seçilərək müəyyənləşib.

Qısa siyahıda İngiltərə, Şotlandiya, Yamayka və ABŞ-ı təmsil edən müəlliflər yer alır. Xüsusi olaraq qeyd edək ki, əvvəlki "Buker" qalibləri Marlon Ceyms və Duqlas Stüart, həmçinin üçqat namizəd Elizabet Straut da builki siyahıda birincilik uğrunda mübarizə aparır.

Qalib kitabın adı 9 noyabr 2026-cı il, bazar ertəsi günü Londondakı tarixi "Old Billingsqeyt"də keçiriləcək xüsusi mərasimdə elan ediləcək. Qalib yazar 50 000 funt-sterlinq, qısa siyahıya düşən digər müəlliflərin hər biri isə 2 500 funt-sterlinq pul mükafatı qazanacaq.

"Buker" mükafatı haqqında

"Buker" mükafatı 55 ildən artıqdır ki, dünya səviyyəli ədəbi istedadları kəşf edib mükafatlandıran, 20-ci və 21-ci əsr ingilisdilli ədəbiyyatını formalaşdıran ən nüfuzlu təltiflərdən biridir. Mükafat milliyyətindən asılı olmayaraq, ingilis dilində yazılmış və Birləşmiş Krallıq, eləcə də İrlandiyada nəşr olunmuş ən yaxşı irihəcmli bədii əsərlərə (romanlara) verilir. Bu mükafatı qazanmaq (hətta sadəcə qısa siyahıya düşmək belə) hər bir yazıçının kitab satışlarına, qlobal tanınmasına və əsərlərinin onlarla xarici dilə tərcümə olunmasına birbaşa təsir edir.

• "Dəlilik həddinə çatana qədər sevmişəm..." - Fransuaza Saqanın sitatları
• "Nə yüngülləşdirici hal, nə də güzəşt tanıyan bir qadın..." - Dario Fonun sitatları
• "İnsan dünyada kölgəsi qədər deyil, ürəyi boyda yer tutur..." - Yaşar Kamal