Ev alqı-satqısı zamanı hərracda 173 avroya alınan tablonun Salvador Dalinin əsəri olduğu ortaya çıxdı.
Kulis.az xəbər verir ki, Kembricdə yaşayan 60 yaşlı əntiq əşyalar satıcısı iki il əvvəl əsəri alanda bütün bunlardan xəbərsiz olub.
Sənət dünyasına yad bir göz üçün bu tablo, Salvador Dalinin şahəsəri kimi görünmür. Bu səbəbdən, 2 il əvvəl İngiltərənin Kembric şəhərində bir ev əşyaları satışında açıq auksiona çıxarılanda yalnız iki nəfər təklif verib və tablo cəmi 173 avroya (8 min 106 TL) alıcı tapıb.
Lakin indi, Dalinin 1966-cı ildə çəkdiyi və bir “yaşlı sultanı” təsvir edən bir illüstrasiya olduğu təsdiqləndikdən sonra, əsərin dəyəri 23 min ilə 34 min avro arasında (1 milyon 600 min TL-yə qədər) qiymətləndirilir.
“Vecchio Sultano” ("Yaşlı Sultan") adlı bu qarışıq texnikalı iş sulu boya və keçə qələmdən istifadə edilərək yaradılıb.
Əsər, “Min bir gecə nağılları”ndan bir səhnəni təsvir edir.
Tablo rəssamın Orta Şərq xalq nağıllarını təsvir etməyi hədəflədiyi 500 illüstrasiyadan ibarət layihənin bir hissəsidir.
Əsər 23 oktyabrda satışa çıxarılacaq.
Qeyd edək ki, Dalinin italyan xeyriyyəçilər Cüzeppe və Mara Albaretto tərəfindən sifariş edilən illüstrasiyalarının "Rizzoli" nəşriyyatı tərəfindən nəşr olunması planlaşdırılıb. Lakin Dali yalnız 100 rəsmi tamamladıqdan sonra layihəni yarımçıq qoyub və həmin dövrdə bu illüstrasiyalardan heç biri nəşr olunmayıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər