“Qəlbin nəğməsi” adlı musiqili albomunu ərsəyə gətirilib

“Qəlbin nəğməsi” adlı musiqili albomunu ərsəyə gətirilib
29 avqust 2020
# 11:10

Bu yaxınlarda Əmək və Əhalinin Sosial Müdafiəsi Nazirliyi istedad və bacarıqları ilə seçilən fiziki məhdudiyyətli şəxslərin iştirakı ilə “Qəlbin nəğməsi” adlı musiqili albomunu ərsəyə gətirib.


Kulis.az xəbər verir ki, layihə ölkədə əlilliyi olan şəxslərin ifalarından ibarət ilk nümunədir. Albomda milli, klassik və müasir musiqi əsərləri təqdim edilir. Professional səsyazma studiyalarında yazılan ifalar zamanı müxtəlif alətlər və elektron musiqidən istifadə olunub və onlar yeni yozumda təqdim edilir.

Gallery


İfaçılar arasında görmə, hərəkət məhdudiyyəti olan şəxslərlə yanaşı, Qarabağ müharibəsi zamanı əlil olan istedadlı soydaşlarımız da yer alıb.

Layihənin daha bir özəlliyi əlilliyi olan şəxslərin tanınmış müğənnilərlə birgə ifa etdiyi musiqi kompozisiyalardır. Albom “Eurovision” mahnı müsabiqəsində ölkəmizi təmsil etmiş Samirə Əfəndi ilə əlilliyi olan şəxslərin ifasında dövlət himni ilə açılır. Həmçinin topluda Aysel Əlizadənin, Turanə Həmidovanın (Əməkdar artist Aygün Bəylərlə birgə), Gülnar Rəhimovanın, Elgiz Babazadənin, Sima Tapdıqovanın, Mehman Çingizoğlunun, Bəhlul Tufanın (Şəmistan Əlizamanlı ilə birgə), Fərqan Arifoğlunun, Seymur Əliyevin, Sadiq Həsənovun, Gülnar Novruzovanın (İlqar Xəyalla birgə), Murad Sadıxın, Fatimə Əkbərlinin səsləndirdiyi mahnılar təqdim edilir.

Gallery

Albom Əqli Mülkiyyət Agentliyində də qeydiyyatdan keçirilib və müəlliflik hüququna dair şəhadətnamə alıb.


Bundan başqa albom əsasında Əmək və Əhalinin Sosial Müdafiəsi Nazirliyinin və Muztv Azərbaycanın birgə təşəbbüsü ilə yeni "Bərabərik" silsilə verilişlər layihəsi hazırlanır. Bu ilin sonunadək olacaq silsilə verilişlərdə əlilliyi olan istedadlı şəxslərlə yanaşı, tanınmış müğənnilər, musiqişünaslar, musiqi ekspertləri, musiqi təhsil müəssisələrinin müəllimləri və professorları iştirak edəcək. Layihədə iştirak edən şəxslərin yaşları 20- 40 yaş aralığındadır. Silsilə proqramlarda iştirak edən hər bir əlilliyi olan şəxsə vokal müəllimi tutulur və onlarla peşəkar musiqi ansamblının iştirakı ilə səsyazma studiyalarında davamlı məşqlər keçirilir. Bu isə istedadlı gənclərimizin rahatlıqla professional səhnəyə çıxmalarına imkan yaradacaq.

Gallery

“Bərabərik” layihəsinin göründüyü kimi, burda əlilliyi olan şəxslərlə yanaşı, Azərbaycanın tanınmış müğənnilərinin dueti səhnədə canlı şəkildə nümayiş etdiriləcək. Hər bir iştirakçının həyat hekayəsi haqqında video süjet hazırlanaraq təqdim ediləcək.

# 2164 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #