“Jan Pol Belmondo vəfat etdi. Başqa bir şey yazmağa ehtiyac yoxdur. Böyük rejissorların, görkəmli tərəf-müqabillərin, məşhur filmlərin və dünya kino xadimlərinin siyahısında idi.”
Bu sözləri Xalq yazıçısı Çingiz Abdullayev yazıb. O, daha sonra əlavə edib:
“Qırx il əvvəl "Dronqo" əsərimdə kumirimdən - bu aktyordan yazmışdım. Mənim üçün o, əsl kişinin təcəssümü idi - ağıllı, güclü, enerjili, inanılmaz yumor hissi olan bir kişi... Qadınlara qarşı cəsarətli münasibəti ilə yadda qalmışdı. O, heç vaxt yaraşıqlı adam olmamışdı, ancaq mənim üçün ən cazibədar və yaraşıqlı kişi o idi. Ağlamaq istəyirəm. Bir epoxa bitdi.”
