Kulis.az Ramazanla bağlı 8 maraqlı ayini təqdim edir.
Yarışma
Saraylarda aşpazlar arasında Ramazan yarışması keçirilirdi və ən dadlı yemək bişirənlərə sarayda iş verilirdi. Birinci yerin sahibi isə şah üçün yeməklər bişirirdi.
Qəsidə oxuma
Peyğəmbəri öyən qəsidələrə deyilirdi. Ramazan zamanı müəzzinlər məscidlərdə minarələrdən oxuyurdular.
Oxuyan davulçular
Ramazan davulçuları Türkiyədə indi də qalmaqdadırlar. Tarixən davulçular irfan şeirləri də oxuyurdular
Məddah
Məscidlərdən kənarda insanların çox yığıldığı yerlərdə saatlarla hekayə oxuyub, təqlidlər edirdilər. Məddahlar həmişə əsayla gəzər, mövzuya uyğun olaraq bəzən şah, bəzən qoca mömin, bəzən qarı qılığına girirdilər.
Meydan oyunu
Bu iki nəfərin çıxardığı təqlid idi. harasa Məhərrəmlik şəbihlərinə bənzəyən bu oyunlar məzmununa görə bayram ovqatlı idi. Qadınlar heç vaxt meydan oyunlarına çıxmazdılar. Qadın obrazı canlandırmaq üçün kişilər qadın paltarı geyinirdilər.
Kaftan
Ramazanın birinci və sonuncu günlərində məscid minarələrinə kaftan (əbaya oxşar geyim) geyindirilirdi.
Səmayi qəhvələri
Osmanlıda fəaliyyət göstərən bu qəhvələr ramazanın ilk günü açılır, sonra bağlanırdı. Başqa qəhvələrdən fərqli olaraq buraya giriş ödənişli idi. Burda bir nəfər kitab oxuyur, qalanlar dinləyərdi. Kitab oxuyan qəhvəyə pul ödəməzdi.
İftar topu
Sultan IV Murad zamanında Bağdadın fəthində son gülləni atan top xüsusi bir binaya yerləşdirilir, daima dolu vəziyyətdə durur və yalnız ildə bir dəfə - Ramazanın elanında atılırdı. Sonralar iftar topu Qız Qülləsindən atılmağa başlanıb.
