TEAS Press” Nəşriyyat Evi “Hər bir autizmli uşağın bilməyinizi istədiyi on fakt” kitabını nəşr edib.
Nəşriyyat Evindən APA-ya verilən məlumata görə, dünya üzrə milyonlarla nüsxəsi satılan “Hər bir autizmli uşağın bilməyinizi istədiyi on fakt” autizmli bir uşağın dilindən deyilərək, anası tərəfindən yazılmış bir kitabdır. Bu ana isə, haqqında danışılan kitabın müəllifi, amerikalı yazıçı Ellen Notbohmdur.
Kitab ilk dəfə olaraq "TEAS Press" Nəşriyyat Evi tərəfindən dilimizə tərcümə edilərək, insanları autizm barədə maarifləndirmək və ətrafımızda olan autizmli uşaqlara qarşı daha anlayışlı olmağı öyrədir.
Oktyabrın 26-da saat 14:00-da "Elmlər Akademiyası" metrostansiyası ilə üzbəüz yerləşən “Libraff” kitab mağazasında “On Fakt” kitabının təqdimatı keçiriləcək.
Tədbirdə klinik-psixoloq Narınc Rüstəmova, həkim-psixiatr Araz Manuçöhri Lalei və nevroloq Aynur Zeynalova iştirak edəcək. Kitabın ixtisas redaktoru Narınc Uşaq Psixologiya Mərkəzinin rəhbəri Narınc Rüstəmovadır.
Təqdimat günü kitab əldə edən hər kəsə Narınc Uşaq Psixologiya Mərkəzi tərəfindən “Autizm şiddətinin ölçülməsi” testi hədiyyə olunacaq.
“Hər bir autizmli uşağın bilməyinizi istədiyi on fakt” kitabının təqdimatı gününə giriş sərbəstdir.
