“Yüngül zədə almışam, hal-hazırda vəziyyətim yaxşıdı, evdəyəm.” – bu sözləri Kulis.aza gənc yazar Çinarə Ömray bildirib.
O daha sonra əlavə edib ki, “Şamaxinka” ərazisində yolu keçərkən maşın vurub: “Xəstaxanaya aparıldım, müayinə olunduqdan sonra həkimlər bildirdilər ki, ciddi xəsarət almamışam, sadəcə əzilmişəm və qorxmuşam. Hal-hazırda evdəyəm, səhhətim qaydasındadır, bədənimin sağ tərəfində yüngül ağrılar var. Narahatlığa səbəb yoxdur.”
Xatırladaq ki, sosial şəbəkələrdə gənc yazar Çinarə Ömrayın qəzaya düşməsi ilə bağlı xəbərlər yayılmışdı.
