Fransız qəzeti “Le Fiqaro”ya danışan aktrisa Beren Saat feminizm və cinsi istismar kimi mövzulardakı fikirlərini açıqlayıb.
“Uşaqları olan dostlarıma deyirəm. Əgər ölkənizin rahatlığı naminə töhfə vermək istəyirsinizsə, onları feminist ruhda yetişdirin. Feminizmdən qorxmayın.”
Beren Saat, Hollivud prodüseri Xarvi Vaynşteynin təcavüz qalmaqallarının ortaya çıxmasının ardından başlayan #metoo hərəkəti ilə bağlı suala cavab verərək fikirlərini belə açıqladı:
"O qadınların həmrəyliyinə heyranam. Bir neçə il əvvəl psixologiya tələbəsi Özgecan Aslanın ölümü ilə bənzər bir hərəkət Türkiyədə də başlandı. Misli görünməmiş bu vəhşilikdən sonra həmin gənc qız haqqında yazmağa və aksiyalara qoşulmağa qərar verdim. Daha sonra yavaş-yavaş öz təcrübələrimdən sosial mediada da bəhs etməyə başladım. Bir TV rəhbərinin mənə qarşı təcavüz etməsi və ya çəkiliş meydançasında mənimlə əylənmək istəyən aktyorların etdikləri manevrlər barədəki etiraflarımdan sonra bir çox qadının dilinin açılmasının, “mən də çarəsizəm” dediklərinin fərqinə vardım. Dünyadakı qadınların bu cür hərəkətlərə qoşulması və birlikdə olmaları məni şərəfləndirir. Qadınların bir araya gəlməsi, bütün bu müqavimətin birlikdə layihələrə rəhbərlik etməsi ilə bərabərliyi tapacağımızı da ümid edirəm”.
Feminizm kimi sonu “izm”lə bitən bəzi sözlərdən qorxduğunu vurğulayan aktrisanın fikirləri sosial şəbəkələrdə mübahisələrə səbəb olub.
