Kulis.az psixoloji pozğunluq keçirən 10 məşhuru təqdim edir.
Cenifer Lopes
2001-ci ildir. Cenifer Lopez “Yetər”” (“Enough”) filminin çəkilişlərindədir. Qaynar bir iş rejimidir. Həm musiqiçilik, həm aktyor oyunu Ceylonu yorurdu. Bir də üstünə yüksək tələbkarlıq gələndə dözülməz hala gəldi. Çəkiliş meydançasında qəfil donub qalmış Ceniferi görəndə hamı çaşdı. O, nə danışa, nə də hərəkət edə bilirdi, quruyub qalmışdı. Onu evinə apardılar. Sakitləşdirici həblər qəbul edən Cenifer bir həftəni yuxuda keçirdi.
Britni Spirs
2007-ci il. Britni Spirs iki uşağının qəyyumluğu üçün mübarizə aparır. Uşaqlarının əlindən alınması fikri onu dəli edirdi. Əsəb sarsıntısı keçirdiyi günlərdən birində onu bərbərdə gördülər. Səbəbsiz bir təbəssümlə saçlarını dibindən qırxırdı. Bərbərdən çıxıb küçədəki paparatzilərə hücum etdi. Daha sonra ailəsi onu nəzarətə aldı və müalicə başladı.
Kanye Uest
Dünyaca məşhur reper Kanye Uest arvadı Kim Kardaşyana hücumlardan sonra yeni və daha ağır psixoloji böhrana qədəm qoydu. TV-lərdən birinin mükafatlandırma mərasimində qonaqlara cumması kameraların diqqətindən yayınmadı. Assistentlərinin və ailəsinin idarə edə bilmədiyi Kanye xəstəxanada müalicəyə başladı.
Lindsi Lohan
Amerikalı aktrisa və müğənni Lindsi Lohanın psixoloji probleminə bütün dünya şahid olub: maqazin xəbərlərində skandal olan davranışlarına. Narkotika və alkoqol bunlardan yalnız biri idi. Kokain üzündən həbsə girdi, başqasının avtomobilini əzib, bahalı bir boyunbağını oğurladı... Yalnız uzun sürən müalicədən sonra həyatını nizamlaya bildi.
Selena Homez
Gənc yaşda şöhrət qazanan amerikalı aktrisa Selena Homez də psixoloji problemlər yaşadı. Terapiya və müalicələrlə bir müddət idarə etsə də, az sonra müalicənin biur faydası olmadı. 2014-cü ildə psixloji böhran üzündən musiqi həyatına son qoydu. “Qırmızı qurd eşənəyi” xəstəliyi yenidən baş qqaldırdı.
Meraya Kerri
2001-ci ildə sevgilisi Luis Migeldən ayrılan müğənni Meraya Kerri ciddi əsəb böhranı keçirirdi. MTV-də yayımlanan proqramda qonaq olan Meraya tamaşaçıların qabağında qəfil soyunmağa başladı. Bunun ardınca qaldığı oteldə sındırdığı boşqablarla bədənini kəsdi. Asisstenti onu qan içində gördü. Dərhal reanimasiyaya alındı.
Mişa Barton
2017-ci ilin fevralında Hoollivuddakı evlərdən birinin damında bir qadın bütün məhəlləyə bağıra-bağıra anasının cadugər olduğunu, onu cadulayıb həyatını məhv etdiyini xəbər verirdi. Bu qadın 2009-cu ildən bəri psixoloji pozuntular keçirən aktrisa-model Mişa Barton idi.
Amanda Baynes
Narkotika asılılığı onu sosial şəbəkədə adamlara hücum edib özünü rüsvay edəcək dərəcəyə çatdırmışdı. Qonşunun evinin önündə yanğın yaradanda polis onu saxladı. Şizofreniyadan əziyyət çəkən məşhur valideynlərinin nəzarəti altında yaşayır.
Tom Kruz
2005-ci ildə Tom Kruz “Opra” teleşousunda qəfil divanda tullanmağa başladı. Aparıcı heç nə anlaya bilmirdi. Hər şey sonra məlum oldu. Evində olarkən yeni bir psixoloji böhran baş verəndə Tomu xəstəxanaya yerləşdirməyə məcbur oldular.
Demi Lovato
“Kokainsiz bir saat belə qala bilmirəm” deyən Lovato özünə xəsarət yetirməyə başlayanda artıq psixoloji xəstəliyi xeyli irəliləmişdi. Amma həkimlər onun çətin dönəmlərini adlamasına yardım edə bildilər.
