Rusiyanın xalq artisti, Tatarıstan Respublikasının əməkdar artisti Şövkət Əmirov 75 yaşında vəfat edib.
Kulis.az xəbər verir ki, bu barədə Rusiya mətbuatı məlumat yayıb.
Ş.Əmirov 9 may 1947-ci ildə Çelyabinsk vilayətinin Miats şəhərində anadan olub.
Magnitogorsk Musiqi Tex nikumunu bitirib. Çelyabinsk Dövlət Mədəniyyət İnstitutunda işləyib. 1980-1990-cı illərdə Ural Konservatoriyasında dərs deyib, 1990-cı ildə Kazana köçüb. 1999-cu ilə qədər Kazan Dövlət Konservatoriyasının prorektoru vəzifəsində çalışıb.
Bundan sonra 1999-cu ildən professor, 2003-2010-cu illərdə Ural Dövlət Konservatoriyasının rektoru olub. Şövkət Əmirov Estrada artistlərinin V Ümumittifaq müsabiqəsinin ikinci mükafatı laureatı, Xalq çalğı alətlərində ifaçıların Ümumrusiya (1979, Leninqrad) və Ümumittifaq müsabiqələrinin birinci mükafatı laureatı, İtaliyada beynəlxalq müsabiqələrin laureatı (1993, Castelfidardo və 2000, Barri)olub. O, Almaniya, Hollandiya, İtaliya, Fransa və Yaponiya, Vyetnam, Koreya, Çexoslovakiya və Filippində çıxış edib.
“Balalayka üçün tatar musiqisi” və “Balalayka üçün transkripsiyalar” toplularının müəllifi.
