Məşhur musiqiçi David Bovinin “Aladdin Sane” albomunun orijinal örtük şəkli hərracda ən bahalı alboma çevrilə bilər.
Kulis.az xəbər verir ki, fotoqraf Brayan Daffi tərəfindən çəkilən məşhur görüntü gələn ay satışa çıxarılacaq və qiymətinin 344 000 avroya qədər çatacağı proqnozlaşdırılır.
Hərrac evi bildirir ki, əsərin unikal olması və Bovinin pop mədəniyyətinə olan təsiri satışın rekord qiymətlə nəticələnməsində əsas rol oynayacaq.
Qeyd edək ki, bu albom 1973-cü ildə işıq üzü görüb və Bovinin ən ikonik görüntülərindən birinə çevrilib.
